اقش-تا يدا داۋىلى قۇرباندارىنىڭ سانى ارتتى. سوڭعى مالىمەت بويىنشا تابيعات اپاتىنان 68 ادام كوز جۇمعان, دەپ جازادى Egemen.kz.
جاقىندا ەلدىڭ شىعىسىندا يدا داۋىلى ويران سالعان ەدى. كۇشتى جەلمەن قوسا نوسەر جاۋىپ, ءبىراز ايماقتى سۋ باستى. تابيعات اپاتىنان اسىرەسە لۋيزيانا, نيۋ-دجەرسي جانە نيۋ-يورك شتاتتارى قاتتى زارداپ شەكتى.
لۋيزياناداعى جاڭا ورلەان قالاسىنىڭ بۇكىل تۇرعىنى جارىقسىز قالسا, نيۋ-يورك قالاسىندا جاۋىن-شاشىننىڭ مەتەوباقىلاۋ تاريحىنداعى رەكوردتىق مولشەرى تۇسكەن. سول ءۇشىن شاھاردا توتەنشە جاعداي ءتارتىبى ەنگىزىلگەن. ال سينوپتيكتەر سولتۇستىك امەريكاعا لارري داۋىلى تاياپ قالعانىن ايتادى. بولجام بويىنشا, لارريدىڭ كۇشى يدا داۋىلىنان دا اسىپ ءتۇسۋى مۇمكىن.