كريمينالدىق پوليتسيا قىزمەتكەرلەرى جەدەل-ىزدەستىرۋ شارالارىن جۇرگىزۋ كەزىندە ەلوردانىڭ 22 جاستاعى تۇرعىنىن ۇستادى, دەپ حابارلايدى Egemen.kz ەلوردا پوليتسيا دەپارتامەنتىنە سىلتەمە جاساپ.
قاسكۇنەم «OLX» حابارلاندىرۋ سايتى ارقىلى اۆتوكولىكتەردى ءبىر تاۋلىككە جالعا الىپ, كەيىن ولاردى باسقا ازاماتتارعا ساتقانى انىقتالدى. جاس جىگىت وسىنداي جولمەن 12 ملن تەڭگەدەن استام سوماعا 7 ادامدى الداعان.
ۇستالعان ازامات ۋاقىتشا ۇستاۋ يزولياتورىنا قامالدى. اتالعان فاكتى بويىنشا قىلمىستىق ءىس قوزعالىپ, كۇدىكتىنىڭ وسىعان ۇقساس بۇرىن جاسالعان قىلمىستارعا قاتىسى بار-جوعى انىقتالۋدا.