نورۆەگيا پوليتسياسى 100-گە جۋىق مەسوپوتاميالىق ارحەولوگيالىق جادىگەردى تاركىلەدى. اتالعان كونە ءداۋىر ەسكەرتكىشتەرى جەرگىلىكتى كوللەكتسيونەردىڭ ۇيىنەن تابىلعان. بىرنەشە جىل بۇرىن يراك بيلىگى ولاردى جوعالىپ كەتتى دەپ مالىمدەگەن ەدى.
«جادىگەرلەر قازىرگى يراكتا ورنالاسقان ارحەولوگيالىق مەكەندەردەن تابىلعان. مەسوپوتاميادان ۇرلانعان ەسكەرتكىشتەر الەمدىك مادەني قۇندىلىقتار ساناتىنا ەنەدى», دەلىنگەن پوليتسيا تاراتقان مالىمدەمەدە.
زاتتار نورۆەگيانىڭ وڭتۇستىك -شىعىسىنداعى كوللەكتوردىڭ ءۇيىن ءتىنتۋ كەزىندە تاركىلەندى. بيلىك ەندى ولاردىڭ تۇپنۇسقالىعىن انىقتاماق. يراك بيلىگى نورۆەگيانىڭ مادەنيەت مينيسترلىگىنە ءوتىنىش جاساپ, جادىگەرلەردى قايتارۋدى سۇراعان.
«قايتارۋ پروتسەدۋراسى باستالدى. بىراق الدىمەن بۇل وبەكتىلەردىڭ شىعۋ تەگى مەن تۇپنۇسقالىعىن انىقتاۋ ءۇشىن ساراپتامالىق تەكسەرۋ جۇرگىزىلۋى كەرەك. ال يراك بيلىگى ءوتىنىشىن رەسمي تۇردە بەرۋى ءتيىس», دەيدى پروكۋرور ماريا باچە دال.
پوليتسيا بۇل زاتتاردىڭ ەۋروپاعا قالاي كەلگەنىن, قاشان جەتكىزىلگەنىن ايتقان جوق.