جولداۋ مىندەتتەرىن ورىنداۋدىڭ جۇيەلى ءتارتىبى ايتىلدى

قالا اكىمى بۇل ساياسي قۇجاتتا مەملەكەت دامۋىنىڭ ستراتەگيالىق باسىمدىقتارى ايقىندالىپ, ەكونوميكالىق دامۋ, دەنساۋلىق ساقتاۋ, ءبىلىم بەرۋ, وڭىرلىك دامۋ سياقتى ماڭىزدى 7 باعىت بويىنشا ىسكە اسۋى ءتيىس مىندەتتەر بەلگىلەنگەنىن اتاپ ءوتتى.

قالانىڭ الەۋمەتتىك-ەكونوميكالىق دامۋى پرەزيدەنتتىك جولداۋ اياسىندا قابىلداناتىن جالپىۇلتتىق جوسپار بويىنشا جۇزەگە اسىرىلادى.

«ەكونوميكالىق وسىمگە قول جەتكىزۋدە كاسىپكەرلىكتى قولداۋعا 7 ميلليارد تەڭگە باعىتتالىپ, 2250 بيزنەس وكىلدەرىنە قولداۋ كورسەتىلەتىن بولادى. «بيزنەستىڭ جول كارتاسى» بويىنشا 1 مىڭ جوبا قامتىلادى. «بيزنەستىڭ جول كارتاسى» جانە «قاراپايىم زاتتار ەكونوميكاسى» باعدارلامالارى اياسىندا بۇگىنگە دەيىن 57,4 ميلليارد تەڭگەگە 1 788 جوبا قارجىلاندىرىلىپ, 7,2 مىڭ جۇمىس ورنى اشىلدى. «قاراپايىم زاتتار ەكونوميكاسى بويىنشا بيىلعا جوسپارلانعان 80 جوبانىڭ 61-ءى قارجىلاندىرىلدى. قالانىڭ ەكسپورتتىق الەۋەتىن ارتتىرۋدا «جۇلدىز» يندۋستريالدى ايماعىندا 200 ميلليارد تەڭگەگە 60 ءىرى جوبانى, «ستاندارت» جەكە يندۋستريالدى ايماقتا 180 ميلليارد تەڭگەگە 30 جوبانى ىسكە اسىرۋ مۇمكىندىگىمىز بار. حالىقتى ازىق-ت ۇلىك ونىمىمەن تولىق قامتاماسىز ەتۋ باعىتىندا 2 اگرويندۋستريالدى ايماقتىڭ قۇرىلىسى باستالدى. اۋىلشارۋاشىلىق ونىمدەرىن تەرەڭ وڭدەۋدە «بوزارىق» تاماق ونەركاسىبى يندۋستريالدى ايماعى قۇرىلىپ, قۇنى 23 ميللارد تەڭگەنى قۇرايتىن 21 جوبا ىسكە اسادى», دەدى قالا اكىمى.

قالادا ازىق-ت ۇلىك تاۋارلارىنىڭ باعاسىن تۇراقتاندىرۋ, اگروونەركاسىپتى دامىتۋ شەڭبەرىندە 136 گەكتارعا زاماناۋي ونەركاسىپتىك جىلىجاي̆ كەشەندەرى سالىنادى. مۇندا 30 ميلليارد تەڭگەگە 20 جوبا جۇزەگە اسپاق.

بۇگىندە قالادا 3 الەۋمەتتىك دۇكەن جۇمىس ىستەيدى. جىل سوڭىنا دەيىن قوسىمشا 7 الەۋمەتتىك دۇكەن اشۋ جوسپارلانۋدا. وعان قوسا, 2025 جىلعا دەيىن 1 مىڭ توسەك ورىندىق اۋرۋحانا, 10 مەديتسينالىق مەكەمە, 12 دارىگەرلىك امبۋلاتوريا ىسكە قوسىلماق.

تىكەلەي ەفيردى قورىتىندىلاي كەلە, مۇرات دۇيسەنبەك ۇلى مەملەكەت باسشىسىنىڭ جولداۋى مەملەكەتتىك تۇرعىداعى مەجەلەردى بەلگىلەيتىنىن اتاپ ءوتىپ, ەل تۇرمىسىن تۇزەۋگە, ازاماتتاردىڭ ءومىر ساپاسىن ارتتىرۋعا قىزمەت ەتەتىنىن جەتكىزدى.