مەملەكەت باسشىسىنىڭ تاپسىرماسىنا سايكەس بيىل پرەزيدەنتتىك جاستار كادرلىق رەزەرۆىنە 50 رەزەرۆشىنى ىرىكتەۋ قاجەت, دەپ حابارالايدى Egemen.kz قر مقىا ءباسپاسوز قىزمەتىنە سىلتەمە جاساپ.
قۇجاتتاردى قابىلداۋ اعىمداعى جىلدىڭ 1 قىركۇيەگىندە «pkrezerv.gov.kz» پلاتفورماسىندا ونلاين-رەجيمدە باستالدى.
ەكى كۇن ىشىندە ىرىكتەۋگە قاتىسۋعا 1 251 ءوتىنىم بەرىلدى. وتىنىمدەردى قابىلداۋ 30 قىركۇيەككە دەيىن جالعاسادى.
پرەزيدەنتتىڭ 2019 جىلعى 27 تامىزداعى № 141 جارلىعىمەن بەلگىلەنگەن تالاپتارعا سايكەس, ىرىكتەۋگە 35 جاستان اسپاعان, جوعارى ءبىلىمى, جۇمىس ءوتىلى كەمىندە 5 جىل, مەملەكەتتىك ءتىلدى ورتادان تومەن ەمەس دەڭگەيدە مەڭگەرگەن قر ازاماتتارى قاتىسا الادى. رەزەرۆتە بولۋ مەرزىمى ءۇش جىلدى قۇرايدى. رەزەرۆشىنى بوس مەملەكەتتىك لاۋازىمعا تاعايىنداۋ قولدانىستاعى زاڭناماعا سايكەس جۇزەگە اسىرىلاتىن بولادى.