شىمكەنت قالالىق وپەرا جانە بالەت تەاترى اتى اڭىزعا اينالعان اۋليە انا – دومالاق اناعا ارنالعان وپەرانى نۇر-سۇلتان قالاسىنىڭ كورەرمەندەرىنە تارتۋ ەتتى, دەپ حابارلايدى Egemen.kz.
قازاقستان تاۋەلسىزدىگىنىڭ 30 جىلدىعىنا وراي, شىمكەنت قالالىق وپەرا جانە بالەت تەاترى تاۋەلسىز قازاقستان جىلدارىندا جازىلعان ەكىنشى وپەرا – ت.جارمۇقامەتتىڭ «دومالاق انا» وپەراسى كوپشىلىك ونەرسۇيەر قاۋىمنىڭ ىستىق ىقىلاسىنا بولەندى.
جاڭا وپەرانى ساحنالاۋعا الەمگە ايگىلى جانە ەلىمىزگە تانىمال ونەر مايتالماندارى جۇمىلدىرىلدى. وپەرادا جالپى سانى 150-دەن استام ءارتىس ءرول سومدايدى.
يدەيا اۆتورى – قر ەڭبەك سىڭىرگەن ءارتىسى, مەملەكەتتىك سىيلىقتىڭ لاۋرەاتى مايرا مۇحامەدقىزى, قويىلىمنىڭ كومپوزيتورى قر مادەنيەت سالاسىنىڭ ۇزدىگى, حالىقارالىق بايقاۋلاردىڭ لاۋرەاتى تاسقىن جارمۇقامەت. ليبرەتتوسىن جازعان قر ەڭبەك سىڭىرگەن قايراتكەرى اسحات ماەميروۆ. قويۋشى-رەجيسسەر – ميحايل پاندجاۆيدزە, قويۋشى-ديريجەر – ءمادي ومىرزاقوۆ, قويۋشى-سۋرەتشى – باقىت كۇزەمباەۆ, كوستيۋم بويىنشا سۋرەتشى – سابيرا داۋلەتاليەۆا, قويۋشى-بالەتمەيستەر – ابدۋراسۋل ەسەكەەۆ, ريتا حايرۋشەۆا, قويۋشى-حورمەيستەر – باعلان التاەۆ, كوركەمدىك جەتەكشى – ماديحان دۋيسەەۆ.
شىمكەنت قالالىق وپەرا جانە بالەت تەاترىنىڭ العاشقى گاسترولدىك ساپارى شىمكەنت جانە نۇر-سۇلتان قالالارى اكىمدىكتەرىنىڭ تاراپىنان قولداۋ تاپتى.
«دومالاق انا» استانا وپەرا ساحناسىندا بۇگىن ەكىنشى رەت قويىلادى. قازاقستاننىڭ وزگە قالالارىنداعى وپەرا سۇيەر قاۋىم قويىلىمدى Tengrinews.kz/tv سايتىنان تىكەلەي ەفيردە تاماشالاي الادى.