12 جاسار اتىراۋلىق شاحماتشى الەم كۋبوگىنىڭ قولا جۇلدەگەرى اتاندى, دەپ جازادى Egemen.kz.
وبلىستىق سپورت جانە دەنە شىنىقتىرۋ باسقارماسى ءباسپاسوز قىزمەتى حابارلاعانداي, 31 تامىزدا حالىقارالىق شاحمات فەدەراتسياسىنىڭ (فيدە) ۇيىمداستىرۋىمەن جاسوسپىرىمدەر اراسىندا جىلدام شاحماتتان الەم كۋبوگى وتكىزىلدى.
«الەم كۋبوگىنا Tornelo.com پلاتفورماسى ارقىلى ىرىكتەلگەن جاس شاحماتشىلار قاتىستى. سونىڭ ءبىرى - اتىراۋلىق زارينا نۇرعاليەۆا. سپورت شەبەرلىگىنە ۇمىتكەر ساناتىن يەلەنگەن شاحماتشى 12 جاسقا دەيىنگى قىزدار اراسىنداعى سايىستا قولا جۇلدەگە يە بولدى», دەپ حابارلادى باسقارمانىڭ ءباسپاسوز قىزمەتى.
ءار ساناتتاعى ۇزدىك ءۇش قاتىسۋشى فيدە-ءنىڭ جۇلدە قورى 30 000 ەۋرونى قۇرايتىن 2021 جىلعى ونلاين كۋبوگى ءۇشىن وتەتىن سۋپەرفينالعا قاتىسۋعا ۇمىتكەر بولادى.