شىمكەنت قالاسىنداعى مارتوبە تۇرعىن الابىندا ءسۇت ونىمدەرىن وڭدەيتىن تسەح اشىلدى. جوباعا 300 ملن تەڭگە ينۆەستيتسيا تارتىلعان, دەپ جازادى Egemen.kz.
تسەحتا كۇنىنە 20-25 تونناعا دەيىن ءسۇت وڭدەلۋدە. وڭدەلگەن سۇتتەن 2,5 توننا ىرىمشىك ءونىمىنىڭ گوللاند جانە موتسارەللا ءتۇرى شىعارىلادى. سۇرانىسقا قاراي برىنزا ءونىمى دە وندىرىلەدى.
تسەح ۇجىمى الداعى ۋاقىتتا ءونىم كولەمىن 35-40 تونناعا دەيىن ارتتىرىپ, تۇرلەرىن كوبەيتۋدى جوسپارلاپ وتىر. قازىرگى تاڭدا مارتوبەدەن شىعارىلعان ءسۇت ونىمدەرى ەلىمىزدىڭ بارلىق ايماقتارىن تولىقتاي قامتىپ وتىر ەكەن.
سونداي-اق, كاسىپورىن جۇمىسىن دوڭگەلەتۋ ءۇشىن جيىرما بەس جەرگىلىكتى تۇرعىن تۇراقتى جۇمىسقا تارتىلدى.