بۇگىن كايردە قاتارىنان ءۇش بىردەي جارىلىس ورىن الدى. بۇل تۋرالى 24.kz حابارلادى.
العاشقى جارىلىس كاير ورتالىعىنداعى قاۋىپسىزدىك كۇشتەر باسقارماسىنىڭ ءدال جانىندا بولعان. ەلدىڭ ىشكى ىستەر ءمينيسترىنىڭ حابارلاۋىنشا, وقيعادان كەمىندە 5 ادام قازا تاۋىپ, تاعى 60-تان استامى جاراقات العان. بومبا جارىلعان جەردە ديامەترى 6 مەترلىك شۇڭقىر پايدا بولدى. سونداي-اق عيماراتتارعا دا ايتارلىقتاي زيان كەلتىرىلگەن. ەكىنشى جارىلىس ەل استاناسىنىڭ باتىسىنداعى مەترو ستانساسى ماڭىندا ورىن الدى. بۇل جولعى لاڭكەستىك ارەكەتتەن 1 ادام كوز جۇمىپ, 15-ءى جاراقات العان. سوڭعى جارىلىستان زارداپ شەككەندەر تۋرالى ازىرگە اقپارات تۇسكەن جوق. تەراكتىلەردەن كەيىن قالادا اتىس-شابىس باستالىپ كەتتى دەگەن مالىمەت تە بار. وقيعا ورىندارىنا ونداعان جەدەل جاردەم توبى مەن قۇتقارۋشىلار قىزمەتى جىبەرىلگەن. قالاداعى قاۋىپسىزدىك شارالارى جوعارى دەڭگەيگە جەتكىزىلىپ, قوسىمشا كۇشتەر تارتىلۋدا. بۇگىنگى لاڭكەستىك ارەكەتتى «ءال-كايدامەن» بايلانىسى بار «انسار بەيت ءال-ماكديس» ۇيىمى ءوز موينىنا الىپ وتىر.
ايدار ورىسباەۆ.
دەرەككوز: 24.kz
فوتو: Itar-tass.com