الماتىدا كىتاپحانالار جاڭا جۇمىس فورماتىنا كوشتى

بۇل تۋرالى ونلاين بريفينگ بارىسىندا قالالىق مادەنيەت باسقارماسىنىڭ باسشىسى عاني مايلىباەۆ ءمالىم ەتتى.

ونىڭ ايتۋىنشا, قالانىڭ 16 كىتاپحاناسى مودەرنيزاتسيالاندى. فورماتتىڭ جاڭارۋىنان كەيىن كەلۋشىلەر سانى 60% پايىزعا ءوستى. كىتاپحاناعا جوندەۋ جۇمىستارى جۇرگىزىلگەنگە دەيىن 758 مىڭ ادام كەلسە, بۇگىندە وقىرماندار سانى 1 260 000 جەتتى.

«جاڭا كىتاپحانالار سىرتقى كەلبەتىن وزگەرتىپ قانا قويماي, جۇمىس رەجيمىن دە وزگەرتتى. ەندى ولار دەمالىسسىز تاڭعى ساعات 9.00-دەن كەشكى ساعات 20.00-گە دەيىن جۇمىس ىستەيدى. مودەرنيزاتسيادان كەيىن ءار كىتاپحانادا ورىندار سانى ارتتى, جەكە جۇمىسقا, ءىس-شارالارعا جانە ينتەرنەت-بولمەلەرگە ارنالعان ءتۇرلى بۇرىشتار قۇرىلدى», دەيدى باسقارما باسشىسى.

سونىمەن قاتار ول تەگىن شىعارماشىلىق ۇيىرمە بار ەكەنىن تىلگە تيەك ەتتى.

«مودەرنيزاتسيادان كەيىن 90-نان استام ءتۇرلى ۇيىرمە اشىلدى وعان 9 400-دەن استام ادام قاتىسادى. تاعى ءبىر ايتا كەتەتىن جايت, بيىل بوستاندىق جانە مەدەۋ اۋداندارىندا 2 قالالىق كىتاپحانا جاڭارتىلادى», دەدى عاني مايلىباەۆ.