شىمكەنت قپد جپقب پاترۋلدىك پوليتسيا پولكىنىڭ 12-روتا ينسپەكتورلارى م.قۋاندىقوۆ, ن.شۋۆۋلداكوۆ جانە ج.اعىباەۆ قىزمەت بارىسىندا كوپىردىڭ جاقتاۋىندا تۇرعان ايەلدى بايقايدى. پوليتسيا قىزمەتكەرلەرى جاقىنداپ كەلىپ, ايەلدىڭ كوپىردەن سەكىرمەك بولعانىن انىقتايدى, دەپ جازادى Egemen.kz.
ءتارتىپ ساقشىلارىنىڭ ءبىرى ازاماتشانى اڭگىمەگە تارتا باستاعاندا, ەكىنشى قىزمەتكەر ايەلدى قاۋىپسىز ورىنعا شىعارادى.وسىلايشا, پاترۋلدىك پوليتسيا پولكىنىڭ قىزمەتكەرلەرى ايەلدىڭ ومىرىنە اراشا ءتۇسىپ, ءسۋيتسيدتىڭ الدىن الدى. اتالعان جايت 31 تامىزدا ساعات 22:00 شاماسىندا ەڭبەكشى اۋدانىنداعى كوپىرلەردىڭ بىرىندە ورىن العان. ءمان-جايدى انىقتاۋ ءۇشىن ومىرىمەن قوش ايتىسپاق بولعان ازاماتشا ەڭبەكشى اۋدانى پوليتسيا باسقارماسىنا جەتكىزىلدى.