اقسۋ قالاسى اۋماعىنا قاراستى ايناكول اۋىلى ۇلكەن جولدىڭ بويىندا تۇر. استاناعا, باياناۋىلعا, قاراعاندىعا قاراي اعىلعان كولىكتەر. وبلىس ورتالىعى مەن اقسۋ قالاسى اۋماعىن قوساتىن جاڭا زامان كوپىرىنىڭ قۇرىلىسى باستالىپ, اۋىلدىقتارعا دا جۇمىس تابىلدى. ايناكولگە قاراستى سىنتاس, كوكتاس, قاراوي دەپ اتالاتىن شاعىن اۋىلدار بار. بۇگىنگى كۇنى اۋىلدا ءىرى قارا مال, قوي, جىلقى بار, ءار اۋلاداعى قوسالقى شارۋاشىلىق ءال-اۋقاتتىڭ جاقسارعانىن بىلدىرگەندەي.
اقسۋ قالاسى اۋماعىنا قاراستى ايناكول اۋىلى ۇلكەن جولدىڭ بويىندا تۇر. استاناعا, باياناۋىلعا, قاراعاندىعا قاراي اعىلعان كولىكتەر. وبلىس ورتالىعى مەن اقسۋ قالاسى اۋماعىن قوساتىن جاڭا زامان كوپىرىنىڭ قۇرىلىسى باستالىپ, اۋىلدىقتارعا دا جۇمىس تابىلدى. ايناكولگە قاراستى سىنتاس, كوكتاس, قاراوي دەپ اتالاتىن شاعىن اۋىلدار بار. بۇگىنگى كۇنى اۋىلدا ءىرى قارا مال, قوي, جىلقى بار, ءار اۋلاداعى قوسالقى شارۋاشىلىق ءال-اۋقاتتىڭ جاقسارعانىن بىلدىرگەندەي. ايناكولدە ورىس, ۋكراين, نەمىس, چەشەن ۇلتىنىڭ وكىلدەرى ءوز قازاعىمىزبەن ارالاس-قۇرالاس, اۋىلداس, اعايىنداس بولىپ كەتكەن. اۋىلدىقتاردىڭ اراسىندا اقسۋدىڭ ەلەكتر ەنەرگياسىن, فەرروقورىتپا وندىرەتىن زاۋىتتارىندا جۇمىس جاسايتىن قىز-جىگىتتەر دە بار. مال شارۋاشىلىعىمەن اينالىساتىن بىرنەشە شارۋا قوجالىعى بار. وتىن-سۋ, مالعا جەمشوپ دەگەندەي, اۋىلدىڭ تىرلىگى ءبىتكەن بە. داستارقان توق. الدىڭعى جىلدارى “جول كارتاسى” باعدارلاماسىنىڭ ارقاسىندا ايتەۋىر, اۋىلدىڭ كىرەبەرىس جولى جوندەلىپتى. كوكتاستاعى باستاۋىش مەكتەپكە تەلەفون بايلانىسى ورناتىلىپ, ينتەرنەتكە قوسىپ بەرىپتى. ايناكولدەگى مەكتەپ جانىنداعى شاعىن ورتالىققا 20 بالا بارىپ ءجۇر. دارىگەرلىك بولىمشە اۆتوكولىكپەن قامتاماسىز ەتىلگەن, جاس ماماندار ەڭبەك ەتۋدە. ءدارىحانا دا جۇمىس جاساپ تۇر. وتكەن ايدا ايناكولدە كۇردەلى جوندەۋدەن وتكەن اۋىل كلۋبى پايدالانۋعا بەرىلدى. جوندەۋ جۇمىستارىنا جەرگىلىكتى بيۋدجەت 2643,6 مىڭ تەڭگە قاراجات ءبولدى. كورەرمەندەر زالى, ساحنا, دالىزدەر, بولمەلەر جاڭارىپ قالدى. جاڭاشا كۇيگە ەنگەن كلۋبتا اۋىل كوركەمونەرپازدارى ەندى مەرەكەلىك شارالار, ويىن-ساۋىق, ايتىس وتكىزىپ, اۋىلدىڭ كوڭىلىن كوتەرمەكشى.
فاريدا بىقاي,
«ەگەمەن قازاقستان».
پاۆلودار وبلىسى.