«وتباسى بانك» باسپانا كەزەگىندە تۇرعان ازاماتتار ءۇشىن باستاپقى جارنا مولشەرىن تۇرعىن ءۇي قۇنىنىڭ 10%-نا دەيىن تومەندەتەدى, دەپ حابارلايدى Egemen.kz.
بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ مالىمدەدى.
ء«ۇي كەزەگىندە تۇرعان ازاماتتارعا «وتباسى بانكىنىڭ» يپوتەكالىق باعدارلامالارى بويىنشا باستاپقى جارنا مولشەرى باسپانا قۇنىنىڭ 10%-نا دەيىن تومەندەتىلەدى. جەڭىلدىكپەن نەسيەلەندىرۋ بويىنشا مولشەرلەمە وتباسى تابىسىنا بايلانىستى جىلدىق 2% جانە 5% بولادى», دەدى مينيستر.
ءمينيستردىڭ ايتۋىنشا, باسپانا جاعدايىن جاقسارتۋ ءۇشىن زەينەتاقى جيناعىن پايدالانۋ تۋرالى ەرەجەلەرگە دە وزگەرىستەر ەنگىزىلمەك.
ەسكە سالايىق, مەملەكەت باسشىسى قاسىم-جومارت توقاەۆ كەشەگى جولداۋىندا قازاقستاندىقتارعا زەينەتاقى جيناعىنىڭ ءبىر بولىگىن جەتكىلىكتى شەگىنەن جوعارى مولشەردە «وتباسى بانك» ەسەپشوتىنا اۋدارۋعا رۇقسات ەتىلەتىنىن ايتتى.
«مەن زەينەتاقى جيناقتارىن مەرزىمىنەن بۇرىن پايدالانۋ باستاماسىنىڭ وڭ ديناميكاسى تۋرالى ايتتىم. وسى ءۇردىستى قولداۋ ءۇشىن زەينەتاقى جيناقتارىنىڭ ءبىر بولىگىن كەيىننەن تۇرعىن ءۇي ساتىپ الۋ ءۇشىن «وتباسى بانك» ەسەپشوتىنا جەتكىلىكتى شەگىنەن كوپ مولشەردە اۋدارۋعا رۇقسات بەرۋ قاجەت دەپ سانايمىن», دەدى توقاەۆ.