الماتى قالاسىنىڭ اكىمى باقىتجان ساعىنتاەۆ جاڭا ىقشام اۋداندارداعى, سونداي-اق نەگىزگى جانە شەتكى جولداردىڭ قۇرىلىسى مەن جوندەلۋى تۋرالى ايتتى, دەپ حابارلايدى Egemen.kz.
«جولدى جاقسارتۋ بويىنشا اۋقىمدى جۇمىس جالعاسادى. جاڭا جول سالىپ, بار جولدى جوندەپ, ۇزارتىپ جاتىرمىز. جاقىندا الاتاۋ كوشەسىنىڭ سابدەنوۆ كوشەسىنەن رايىمبەك داڭعىلىنا دەيىنگى 2 شاقىرىمدىق ۋچاسكەسى اشىلدى. ءتورت جولاقتى جول ناۋرىزباي اۋدانىنىڭ اكىمشىلىك ورتالىعىن قالانىڭ ءىرى ماگيسترالىمەن بايلانىستىردى. اباي داڭعىلىن تەسۋ اياقتالعان سوڭ قالا ورتالىعىمەن كولىك قاتىناسى ەداۋىر جاقسارادى», دەپ جازدى قالا اكىمى ءوزىنىڭ Instagram پاراقشاسىندا.
ايتا كەتەيىك, «جاڭا الماتىنى» دامىتۋدىڭ كەشەندى جوسپارى اياسىندا الاتاۋ, تۇركسىب پەن ناۋرىزباي اۋداندارىنا قاراستى سەگىز ىقشام اۋدانىنداعى 415 كوشەدە 108 شاقىرىم جول سالىنىپ جاتىر.