WBC نۇسقاسى بويىنشا ەكىنشى جەڭىل سالماقتاعى الەم چەمپيونى مەكسيكالىق وسكار ۆالدەس دوپينگكە ەرىكتى تەستىلەۋ قاۋىمداستىعىنىڭ انتيدوپينگتىك تەستىنەن ءسۇرىندى. بوكسشىنىڭ اعزاسىنان تىيىم سالىنعان پرەپارات فەنەتەرمين تابىلعان, دەپ حابارلايدى Egemen.kz Sports.kz-كە سىلتەمە جاساپ.
بۇكىلالەمدىك بوكس كەڭەسىنىڭ (WBC) وكىلدەرى اتالعان جاعداي بويىنشا زەرتتەۋ شارالارى اياقتالمايىنشا, قانداي دا ءبىر تۇسىنىكتەمە بەرۋدەن باس تارتتى.
وسى ارادا اقش-تىڭ اريزونا شتاتى, تۋسون قالاسىندا Casino Del Sol-دا 10 قىركۇيەككە جوسپارلانعان وسكار مەن برازيليالىق روبسون كونسەيسان اراسىنداعى جەكپە-جەكتىڭ تاعدىرى بەلگىسىز بولىپ وتىر.
ەسكە سالا كەتسەك, وسكار وسى جىلدىڭ 20 اقپانىندا ەكىنشى جەڭىل سالماقتا چەمپيون بەلدىگىن جەڭىپ الدى. ول ونىنشى راۋندا ءوزىنىڭ وتانداسى ميگەل بەرچەلتانى نوكاۋتقا جىبەرگەن بولاتىن.