سەمەي قالاسىنداعى قازاق يننوۆاتسيالىق-گۋمانيتارلىق زاڭ ۋنيۆەرسيتەتىنە ءاليحان بوكەيحاننىڭ ەسىمى بەرىلدى. ەندى وقۋ ورنى Alikhan Bokeikhan University دەپ اتالادى. وسىعان وراي وقۋ ورداسىنىڭ الدىنان الاش كوسەمىنىڭ ءبيۋستى اشىلدى.
«زامانا اعىسىندا ۇلت كوشباسشىسى بولعان تۇلعا ەسىمىنىڭ ۋنيۆەرسيتەتىمىزگە بەرىلۋىنىڭ تاريحي نەگىزى بار. بۇل سونىمەن قاتار ۋنيۆەرسيتەت قۇرىلتايشىلارى مەن ءبىلىم الۋشىلارىنىڭ ەل مەن سەمەي قالاسى تاريحىنا جانە ۇلتتىق مۇددەنى تۋ ەتىپ كوتەرگەن ءاليحان بوكەيحان باستاعان الاش قوزعالىسى قايراتكەرلەرىنىڭ تاريحي قىزمەتىنە كورسەتكەن قۇرمەت», دەدى ۋنيۆەرسيتەت رەكتورى شىنار قۇرمانباەۆا.
ءاليحان بوكەيحاننىڭ ەسىمىن رەسپۋبليكا كولەمىندەگى بەدەلدى ۋنيۆەرسيتەتكە بەرۋ جونىندەگى ۇسىنىستار 2011 جىلداردان باستاپ, ءجيى ايتىلىپ كەلەدى. اليحانعا ارنالعان ءارتۇرلى عىلىمي شارالار مەن كونفەرەنتسيالاردىڭ قورىتىندى قارارلارىندا وسى ماسەلە بىرنەشە مارتە كوتەرىلگەن بولاتىن.
الاش كوسەمىنىڭ تۋعانىنا 155 جىل تولۋىنا وراي سەمەي قالاسىندا ء«اليحاننىڭ سەمەيگە ورالۋى» اتتى عىلىمي كونفەرەنتسيا وتكەنىن دە ايتا كەتەيىك.