قازىر ەلىمىزدە سۋمەن جابدىقتاۋ قىزمەتتەرىنە ازاماتتاردىڭ 94,1%-ى, ونىڭ ىشىندە قالالاردا - 97,5%, اۋىلداردا - 90,1%-ى قول جەتكىزگەن, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
بيىل جىل قورىتىندىسىندا تاعى 200 مىڭعا جۋىق ادامدى قامتۋ جوسپارلانعان. بۇل دەگەنىمىز - 17,86 ملن ادام نەمەسە رەسپۋبليكا حالقىنىڭ 95%. اتاپ ايتقاندا قالالاردا - 98%, اۋىلداردا – 91,8%.
2025 جىلعا قاراي تۇرعىنداردى 100% سۋمەن قامتۋ جوسپارلانىپ وتىر. ول ءۇشىن «نۇرلى جەر» مەملەكەتتىك باعدارلاماسى اياسىندا سۋمەن جابدىقتاۋ جانە سۋ بۇرۋ جۇيەلەرىن سالۋعا جانە جاڭعىرتۋعا 586 ملرد تەڭگە بولىنەدى.