1 قىركۇيەكتەن باستاپ ءابۋ-دابي امىرلىگى بىرىككەن اراب امىرلىكتەرىنىڭ ء(باا) استاناسىنا كەلۋشى, قازىرگى كەزدە جاسىل تىزىمگە كىرگەن 55 مەملەكەت ءۇشىن مىندەتتى كارانتين شارالارىن الىپ تاستايدى, دەپ حابارلايدى Egemen.kz.
بۇل تۋرالى Gulf Today باسىلىمى مالىمدەدى.
بۇعان دەيىن ءباا 30 تامىزدان باستاپ دۇنيەجۇزىلىك دەنساۋلىق ساقتاۋ ۇيىمىنىڭ كوروناۆيرۋسقا قارسى ماقۇلداعان ۆاكتسينانى سالدىرتقان ەلدەردىڭ ازاماتتارىنا تۋريستىك ۆيزانى قايتا بەرەتىنىن جاريا ەتكەن بولاتىن.
بۇل شەشىم بۇعان دەيىن امىرلىكتەرگە كىرۋگە تىيىم سالىنعان ەلدەرگە تارالادى. ەندى بۇل ەلدەردىڭ ازاماتتارى اۋەجايدا مىندەتتى تۇردە پتر-تەست تاپسىرۋى ءتيىس بولادى. ۆاكتسينا سالدىرتپاعان ەلدەردىڭ ازاماتتار توبىنا قاتىستى بۇعان دەيىن ەنگىزىلگەن ەرەجەلەر ءوز كۇشىندە قالادى.
پتر-تەست تاپسىرۋ مىندەتتى, الايدا ۆاكتسينا العان ازاماتتار بىرقاتار جەڭىلدىكتەر الادى. ەلدە قىتايلىق Sinopharm كورپوراتسياسى مەن امەريكاندىق Pfizer كومپانياسىنىڭ نەمىستىڭ BioNTech سەرىكتەسىمەن بىرلەسىپ شىعارعان ۆاكتسينالارى, سونداي-اق ددسۇ ءالى ماقۇلداماعان رەسەيلىك «سپۋتنيك V» ۆاكتسينالارى قولجەتىمدى.
قازىرگى كەزدە ءباا-دا كوروناۆيرۋس جۇقتىرعاندار سانى تاۋلىگىنە مىڭ ادامعا جەتىپ وتىر.