التاي كولگىنوۆ قالا تۇرعىندارىنا ۇندەۋ جولدادى

«وقۋ جىلىنىڭ وفلاين فورماتتا باستالۋىنا جانە دەمالىس ماۋسىمىنىڭ اياقتالۋىنا بايلانىستى جولدارداعى ترافيك ارتادى. تۇرعىنداردان قوزعالىس باعىتىن الدىن الا جوسپارلاۋدى سۇرايمىز. 

قالا تۇرعىندارىنا ىڭعايلى بولۋ ءۇشىن اۆتوبۋستار سانىن كوبەيتتىك – كۇن سايىن جەلىگە 850-دەن استام قوعامدىق كولىك شىعادى. قوزعالىس كەستەسىن وڭتايلاندىرىپ, جاڭا باعىتتاردى ىسكە قوستىق. مىسالى, №30 باعدار ء«وندىرىس» ەلدى مەكەنىندەگى قوعامدىق كولىك جۇمىسىن جاقسارتۋ ءۇشىن ىسكە قوسىلدى, ول داۋىلپاز كوشەسىندەگى №92 مەكتەپ-ليتسەيدى (ب.مومىش ۇلى داڭعىلى) جانە «زەلەنىي كۆارتال» تك اۋدانىنداعى جاڭا مەكتەپتى قامتيدى.

№4, 7, 17, 21, 23, 25, 40, 41, 48 مارشرۋتتارىندا جىلجىمالى قۇرام ايتارلىقتاي جاڭارتىلدى. تەك وسى جىلدىڭ وزىندە قوسىمشا 6 ۋچاسكەدە اۆتوبۋس جولاعى ەنگىزىلدى. جوعارىدا اتالعان بارلىق شارالار اۆتوبۋستاردىڭ كۇتۋ ارالىعىن جانە جول ءجۇرۋ ۋاقىتىن قىسقارتۋعا مۇمكىندىك بەرەدى. 

ەستەرىڭىزدە بولسا, 2020 جىلدىڭ ناۋرىز ايىنان باستاپ كامەلەتكە تولماعاندارعا تەگىن جول ءجۇرۋ ەنگىزىلگەن. ءتىپتى كارانتين جىلىن ەسكەرسەك, وسى جىلدىڭ 8 ايىندا عانا بالالار 8 ملن 300 مىڭنان استام ساپار جاساعان. مەكتەپتەن باسقا وقۋشىلار ءارتۇرلى ۇيىرمەلەر مەن سەكتسيالارعا قاتىسىپ, قۇرداستارىمەن كەزدەسەتىنىن ەسكەرسەك, بۇل شارا وتباسىلار ءۇشىن ايتارلىقتاي قولداۋ بولىپ سانالادى دەپ ويلايمىن. اسىرەسە ءبىر ۇيدە بىرنەشە بالا بولسا. كامەلەتكە تولماعاندار ءۇشىن جول ءجۇرۋ تەگىن», دەپ جازدى ەلوردا اكىمى.