كۇيىكوۆتىڭ شىعارمالارى ۇسىنىلدى

«مەن شىعارمالارىمدا جان ايقا­يىمدى بەينەلەدىم. سەبەبى مەن جانە مە­نىڭ اتا-انام – يادرولىق سىناق­تار­دىڭ ءتىرى كۋاگەرلەرىمىز. مەن تۋىپ-وس­كەن ەگىندىبۇلاق اۋىلى پوليگوننان ءجۇز شاقىرىم جەردە ورنالاسقان. بالا كەزىمدە اتا-انامنىڭ سەمەيگە ءجيى بار­عانى ەسىمدە. سودان كەيىن ولار كو­بى­نەسە دالا ارقىلى وتەتىن جول­دى قىسقارتىپ, قيىپ وتەتىن. اري­نە, مۇنىڭ ءبارى بىزگە اسەر ەتتى. ءوزىمنىڭ سۋرەت­تەرىم ارقىلى ادام­دارعا يادرولىق قارۋ­دىڭ قاۋىپتىلىگى تۋ­رالى جەتكىزگىم كەلەدى. ەلەستەتىپ كورى­ڭىزشى, ەگەر ول تەرروريستەردىڭ قو­لىنا تۇسسە نە بولادى؟ سوندىقتان انتي­يادرو­لىق قوزعالىس – مەنىڭ بۇكىل ءومىرىم», دەيدى كارىپبەك كۇيىكوۆ.

دوستىق ۇيىندە قوعام قايرات­كەر­لەرىنىڭ, عالىمداردىڭ, ەتنو­ۇيىم­دار مەن «جاڭعىرۋ جولى» جاستار قوزعا­لى­سى بەل­سەندىلەرىنىڭ قاتى­سۋى­­مەن ون­لاين رەجىمدە «يادرولىق قارۋ­سىز قازاق­ستان – بەيبىتشىلىك پەن كەلى­سىم ەلى» اتتى دوڭ­­گەلەك ۇستەل ءوتتى. كەز­دەسۋدى وبلىستىڭ ىشكى ساياسات باسقار­ماسىنىڭ «قوعامدىق كەلىسىم» كمم ۇيىمداستىردى.

«ەل تاۋەلسىزدىگىنىڭ 30 جىلدىعى سەمەي پوليگونىنداعى يادرولىق سىناق­تاردان باس تارتۋدىڭ 30 جىلدىعىمەن تۇسپا-تۇس كەلدى. 1991 جىلعى 29 تامىزدا ەلباسى نۇرسۇلتان نازارباەۆ سانسىز ازاپ شەككەن يادرولىق جارىلىستاردى توقتاتىپ, بەيبىتسۇيگىش ەل رەتىندە بۇكىل الەمگە تاۋەلسىز قازاقستان رەسپۋب­ليكا­سىن پاش ەتتى. اتوم بومبا­لارىنىڭ جارىلىستارىنان كەيىن قانداي قايعىلى جاعداي بولعانىن ءبارىمىز ەستە ۇستاۋىمىز كەرەك. يادرو­لىق سىناقتار سەمەي, پاۆلودار جانە قاراعاندى وبلىستارىندا كورىنىس تاپتى. جارىلىستاردىڭ سالدارىنان ءبىزدىڭ ميلليونداعان ازاماتتارىمىز زارداپ شەكتى, ال راديواكتيۆتى جاۋىن-شاشىن فلورا مەن فاۋنانى جويدى. مۇنىڭ ءبارىن ۇمىتپاۋ كەرەك», دەپ اتاپ ءوتتى قاراعاندى وبلىسى ىشكى سايا­سات باسقارماسىنىڭ باسشىسى ەرلان قۇسايىن.

29 تامىز – قازاقستاندىقتار ءۇشىن عانا ەمەس, بۇكىل الەمدىك انتيادرولىق قوعامداستىق ءۇشىن دە ەرەكشە كۇن. ەستە­رىڭىزگە سالا كەتەيىك, سەمەي پوليگونىندا العاشقى سىناق 1949 جىلدىڭ 29 تامىزىندا وتكىزىلدى. ال 42 جىلدان كەيىن سول كۇنى پوليگون قازاق كسر پرەزيدەنتى نۇرسۇلتان نازارباەۆتىڭ جارلىعىمەن رەسمي تۇردە جابىلدى. 2010 جىلدان باستاپ 29 تامىز حالىقارالىق يادرولىق سىناقتارعا قارسى ءىس-قيمىل كۇنى رەتىندە اتاپ وتىلەدى.