حالىقارالىق پاراليمپيادا كوميتەتىنىڭ حابارلاۋىنشا, پاراليمپياداعا قاتىسۋ ءۇشىن اۋعانستاننان توكيوعا ەكى سپورتشى كەلدى.
زاكيا حۋدادادي مەن حوسەين راسۋلي وتكەن اپتانىڭ سوڭىندا قۇتقارىلعان. ولار «تاليبان» باقىلاۋىنداعى ەلدەن فرانتسياعا ەۆاكۋاتسيالاندى.
«زاكيا مەن حوسەين توكيو-2020 پاراليمپيا ويىندارىنا قاتىسپاق. ولار قازىر ءوز ارماندارىن ورىنداۋ ءۇشىن توكيوعا كەلدى. وسىلايشا, الەمنىڭ كوپتەگەن ەلىنە ءۇمىت ساۋلەسىن سىيلادى», دەدى كوميتەت باسشىسى ەندريۋ پارسونس.
ەكى سپورتشى اۋعانستاننان فرانتسياعا جەتكىزىلگەن سوڭ, ءبىر اپتا پاريجدە فرانتسيانىڭ سپورت مينيسترلىگىنىڭ وقۋ ورتالىعىندا بولعان. ولار سەنبى كۇنى كەشكە توكيوداعى پاراليمپيادالىق اۋىلعا جەتتى.
حۋدادادي 2 قىركۇيەكتە ايەلدەر اراسىندا تاەكۆوندودان 44-49 كگ سالماق دارەجەسىندە سىنعا تۇسەدى, ال راسۋلي ەرلەر اراسىنداعى جەڭىل اتلەتيكا باسەكەسىندە 400 مەترگە جۇگىرەدى.