ەلوردانىڭ وقۋ ورىندارى كۇردەلى ەپيدەميولوگيالىق جاعداي جاعدايىندا ءداستۇرلى فورماتقا ورالۋعا تولىق دايىن. بۇل تۋرالى قالالىق اكىمدىكتىڭ رەسمي سايتى مالىمدەدى, دەپ حابارلايدى Egemen.kz.
1 قىركۇيەكتەن باستاپ ءبىلىم بەرۋ ۇيىمدارى جاڭا سانيتارلىق ەرەجەلەرگە سايكەس جۇمىس ىستەيتىن بولادى. قالا مەكتەپتەرىنىڭ وقۋشىلارى مەن مۇعالىمدەرىنىڭ قاۋىپسىزدىگىن قامتاماسىز ەتۋ بويىنشا بىرقاتار كەشەندى شارالار قابىلداندى.
«بۇگىنگى تاڭدا مۇعالىمدەردىڭ 99,7%-دان استامى جانە تەحنيكالىق قىزمەتكەرلەردىڭ 98,9%-ى ەگىلدى. بارلىق ءبىلىم بەرۋ ۇيىمدارى Ashyq جۇيەسىنە 100% قوسىلعان. ءبىلىم بەرۋ ۇيىمدارى سانيتارلىق تالاپتارعا سايكەس دەزينفەكتسيالىق قۇرالدارمەن جانە ءدارى-دارمەكتەرمەن قامتاماسىز ەتىلگەن», دەدى اكىمدىكتىڭ ءباسپاسوز ورتالىعىندا وتكەن بريفينگتە نۇر-سۇلتان قالاسى ءبىلىم باسقارماسىنىڭ باسشىسى شاكارىم سەيسەنباي.
بريفينگ بارىسىندا نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ ورىنباسارى جاننا پىراليەۆا وقۋ ورىندارىنداعى دەزينفەكتسيالىق ءىس-شارالار تۋرالى ايتتى.
«قالانىڭ ءبىلىم بەرۋ ۇيىمدارىندا دەزينفەكتسيالىق ءىس-شارالار, ىلعالدى تازالاۋ, ءۇي-جايلاردى جەلدەتۋ جانە كۆارتستاۋ, تەرمومەتر, كۇندەلىكتى الەۋمەتتىك قاشىقتىق, مەكتەپ مۇعالىمدەرى مەن تەحنيكالىق قىزمەتكەرلەردى ۆاكتسيناتسيالاۋ, اۋىسىمدىق وقۋ پروتسەسىن ۇيىمداستىرۋ, اسحانانىڭ, مەديتسينالىق كابينەتتەردىڭ جۇمىس رەجيمى جانە بەتپەردە رەجيمىن ساقتاۋ جۇرگىزىلەدى. بارلىق مەكتەپتەر سانيتارلىق تالاپتارعا سايكەس قاجەتتى قۇرالدارمەن جانە ءدارى-دارمەكتەرمەن قامتاماسىز ەتىلگەن», دەپ ناقتىلادى جاننا پىراليەۆا.
جاڭا وقۋ جىلىندا وقۋشىلار سانى 205 مىڭعا وسەدى دەگەن بولجام بار. ءبىرىنشى سىنىپقا 24 مىڭ وقۋشى قابىلدانادى. مەكتەپكە دەيىنگى ۇيىمدار كۇندىزگى رەجيمگە كوشەدى.
شاكارىم سەيسەنباي مۇعالىمدەر مەن اتا-انالار اراسىندا قاجەتتى ءتۇسىندىرۋ جۇمىستارى جۇرگىزىلىپ جاتقانىن باسا ايتتى.
ايتا كەتسەك, ەلوردادا 100-گە جۋىق ەگۋ پۋنكتى جۇمىس ىستەيدى. نۇر-سۇلتاندا كۆي-عا قارسى ۆاكتسينانىڭ ءبىرىنشى كومپونەنتىن 400 مىڭعا جۋىق ادام الدى, 325 مىڭعا جۋىق ازامات تولىق يممۋنداۋدان ءوتتى.