قازاقستان تاۋەلسىزدىگىنىڭ 30 جىلدىعى اياسىندا ماجارستاننىڭ لاكيتەلەك حالىق ينستيتۋتىندا قازاق اقىنى جانە اعارتۋشىسى اباي ءمۇسىنىنىڭ سالتاناتتى اشىلۋ ءراسىمى ءوتتى, دەپ حابارلايدى Egemen.kz.
ماجارستاننىڭ مەملەكەتتىك جينالىسى سپيكەرىنىڭ ورىنباسارى شاندور لەجاكتىڭ قولداۋىمەن ۇيىمداستىرىلعان ءىس-شاراعا ماجارستاننىڭ ساياسي قايراتكەرلەرى, اكادەميالىق جانە قوعامدىق توپتارىنىڭ وكىلدەرى قاتىستى.
ءراسىم بارىسىندا شاندور لەجاك كورنەكتى اقىن جانە ويشىل ابايدىڭ شىعارماشىلىق مۇراسى باتىس جانە شىعىس مادەنيەتىن بايلانىستىراتىنىن ايتتى.
ۆەنگريا پرەمەر-ءمينيسترىنىڭ ورىنباسارى – قارجى ءمينيسترى, ەكونوميكالىق ىنتىماقتاستىق جونىندەگى قازاقستان-ۆەنگريا ۇكىمەتارالىق كوميسسياسىنىڭ تەڭ توراعاسى ميحاي ۆارگا ۆەنگريا ۇكىمەتى ەكى ەل اراسىنداعى عىلىمي-مادەني مۇرا سالاسىنداعى قاتىناستاردى «شىعىسقا تەرەزە» سىرتقى ساياسي ستراتەگياسى اياسىندا دامىتۋدى جالعاستىراتىنىن اتاپ ءوتتى.
قازاقستان ەلشىسى جانىبەك ءابدىراشوۆ ابايدىڭ ەڭبەكتەرى ەلدەر مەن حالىقتاردىڭ جاقىنداسۋىنا ىقپال ەتەتىنىن, ال ونىڭ رۋحاني مۇراسىنىڭ ارقاسىندا ۆەنگريالىق جاستار قازاق دالاسىنىڭ مادەنيەتىمەن تانىسا الاتىنىنا سەنىمىن ءبىلدىردى.