ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرجان ءبىرجانوۆ ەلدە كاسىپكەرلىكتى دامىتۋ بويىنشا ۇلتتىق جوبا قابىلدانعانىن ايتتى, دەپ حابارلايدى Egemen.kz.
جىل سايىن 700 مىڭ ادام 2017 جىلى قولدانىسقا ەنگەن «ەڭبەك» باعدارلاماسى اياسىندا وقىتۋ, جۇمىسقا ورنالاستىرۋ, تۇراقتى جۇمىس ورنىن تابۋ شارالارىمەن قامتىلادى.
«بيىل اتالعان باعدارلامانىڭ جۇمىسى اياقتالادى. دەگەنمەن, جۇمىسپەن قامتۋداعى ونىڭ ماڭىزدىلىعى مەن تيىمدىلىگى ەسكەرىلە وتىرىپ, كاسىپكەرلىكتى دامىتۋ ۇلتتىق جوباسى ىسكە قوسىلادى. «ەڭبەك» باعدارلاماسىنداعى بارلىق باستامالار ۇلتتىق جوبا شەڭبەرىنە قوسىلادى. ول مەملەكەت باسشىسى جارلىعىمەن قابىلدانىپ, جوبالىق باسقارۋ ادىستەرى ەنگىزىلەدى. قازىردىڭ وزىندە الداعى 5 جىلعا ارنالعان ەسەپتەۋ بار. ءىس-شارالار تولىق جازىلىپ, جوسپارلانعان», دەپ ءتۇسىندىردى ۆيتسە-مينيستر.
ونىڭ ايتۋىنشا, جوبالىق باسقارۋدىڭ بارلىق قۇرالدارى كەلەسى جىلدان باستاپ جۇزەگە اسىرىلادى.
«تسيفرلاندىرۋ بويىنشا, جۇمىس بەرۋشىنىڭ تالاپتارىمەن وقىتۋ بويىنشا بارلىق قۇرالدار ۇلتتىق جوبادا كورىنىس تابادى. ياعني, «ەڭبەك» باعدارلاماسى جاڭا فورماتتا جالعاسىن تابادى», دەدى ەرجان ءبىرجانوۆ.