قورعانىس ءمينيسترى ورتتەن زارداپ شەككەن قويما اۋماعىن قاراپ شىعىپ, وقيعا ورنىندا توتەنشە جاعدايلار مينيسترىمەن جانە وبلىس اكىمىمەن كەڭەس وتكىزدى, دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
ءورت سالدارىن جويۋ ماقساتىندا بىرلەسكەن ءىس-قيمىلدار جوسپارلانىپ, ۇيلەستىرىلدى.
نەگىزگى كۇش-جىگەر حالىقتىڭ 100% قاۋىپسىزدىگىن قامتاماسىز ەتۋگە باعىتتالعان.
«وڭتۇستىك» وڭىرلىك قولباسشىلىعىنىڭ ينجەنەرلىك اسكەرلەرى ينجەنەرلىك وق-دارىلەر قويماسىنىڭ اۋماعىن تازالاۋعا كىرىستى. بولىمشەلەر قالىپتىق مينا تارتقىشپەن جابدىقتالعان ينجەنەرلىك جانە بروندى ترانسپورتەرلەردى پايدالانۋدا.
اسكەري ساپەرلەر تەمىرجول ۋچاسكەسى مەن جاقىن ماڭداعى ەلدى مەكەندەرگە ينجەنەرلىك بارلاۋ جانە تازالاۋ جۇمىستارىن جۇرگىزدى.