مەملەكەت باسشىسى قاسىم-جومارت توقاەۆتىڭ تاپسىرماسىمەن قۇرىلعان بايزاق اۋدانىنداعى وق-ءدارى قويماسىندا ورىن العان ءورت پەن جارىلىس سالدارىن جويۋ جونىندەگى ۇكىمەتتىك كوميسسيا وقيعا ورنىنا باردى, دەپ حابارلايدى Egemen.kz.
قر پرەمەر-ءمينيسترىنىڭ ورىنباسارى رومان سكليار باستاعان, قۇرامىندا جامبىل وبلىسىنىڭ اكىمى بەردىبەك ساپارباەۆ, قورعانىس ءمينيسترى نۇرلان ەرمەكباەۆ, توتەنشە جاعدايلار ءمينيسترى يۋري يلين, ىشكى ىستەر ءمينيسترىنىڭ ورىنباسارى مۇرات بايمۇقاشەۆ, يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ, ەڭبەك جانە حالىقتى الەۋمەتتىك قورعاۋ, دەنساۋلىق ساقتاۋ جانە باسقا دا ورتالىق مەملەكەتتىك ورگانداردىڭ ۆيتسە-مينيسترلەرى بار كوميسسيا زارداپ شەككەن نىساندارىمەن تانىسىپ, ءمان-جايعا قانىقتى.
ءورت سالدارىن جويۋ جونىندەگى جۇمىستاردىڭ بارىسىمەن تانىسىپ, جارالانعان اسكەريلەر جانە ءورت سوندىرۋشىلەرمەن, جەرگىلىكتى تۇرعىندارمەن كەزدەستى.
سونداي-اق ۆيتسە-پرەمەر جەدەل شتاب وتىرىسىنا قاتىسىپ, جاۋاپتى تۇلعالارعا ناقتى تاپسىرمالار جۇكتەدى.
ايتا كەتەيىك, اتالعان كوميسسيا الدىنا زالالدى باعالاۋ جانە ءورت پەن جارىلىس سالدارىن جويۋ, زاقىمدالعان ينفراقۇرىلىمدى قالپىنا كەلتىرۋ, سونداي-اق زارداپ شەككەندەرگە الەۋمەتتىك قولداۋ, مەديتسينالىق كومەك شارالارىن كورسەتۋ بويىنشا مىندەتتەر قويىلعان بولاتىن.
قازىرگى ۋاقىتتا كەلتىرىلگەن شىعىن كولەمى انىقتالۋدا, ۇكىمەتتىك ساراپتامالىق توپ جۇمىس جاساۋدا. بارلىق زارداپ شەككەندەرگە كومەك كورسەتىلەدى.
ءبىرىنشى كەزەكتە تۇرعىن ۇيلەر, كاسىپكەرلىك جانە ينفراقۇرىلىمدىق نىساندار قالپىنا كەلتىرىلەدى.
وقيعانىڭ سەبەبى جەدەل-تەرگەۋ توبىمەن انىقتالادى.