بۇگىن «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ قىزمەتكەرلەرى «اۋىلىما كىتاپ» قايىرىمدىلىق اكتسياسىنىڭ اياسىندا اقمولا وبلىسى تسەلينوگراد اۋدانى قابانباي اۋىلىنىڭ مادەنيەت ءۇيىنىڭ كىتاپحانا قورىنا 100-دەن استام كىتاپ پەن جۋرنال تابىستادى, دەپ جازادى Egemen.kz.
ققدي قىزمەتكەرلەرى اۋىل كىتاپحاناسىنىڭ قورىنا 100-دەن استام عىلىمي, كوركەم جانە پۋبليتسيستيكالىق, سونداي-اق بالالار ادەبيەتىنە قاتىستى ەڭبەك جەتكىزدى. ونىڭ ىشىگدە «رۋحاني جاڭعىرۋ» باعدارلاماسىنىڭ «قازاق تىلىندەگى گۋمانيتارلىق 100 جاڭا وقۋلىق» جوباسى اياسىندا قازاق تىلىنە اۋدارىلعان الەمدىك وزىق ۋنيۆەرسيتەتتەردىڭ گۋمانيتارلىق باعىتتاعى وقۋلىقتارى مەن كىتاپتارى دا بار.
«ققدي «رۋحاني جاڭعىرۋ» جانە ايماقتىق جوبالىق كەڭسەلەرى دە «اۋىلىما كىتاپ» اكتسياسىنا بەلسەندى ات سالىسىپ جاتىر. بۇگىن ءبىز الەمدىك ۇزدىك كىتاپتاردىڭ قازاق تىلىنە اۋدارىلعان نۇسقاسىن قابانباي اۋىلىنىڭ جاستارى مەن بالالارىنا ارناپ تابىستاپ جاتىرمىز. اۋىلدىق جەرلەردەگى كىتاپحانا قورىنىڭ ساپاسى قالالىق, رەسپۋبليكالىق مەكتەپتەردەگى قورلاردان ەرەكشەلەنەدى. «اۋىلىما كىتاپ» اكتسياسى ءدال وسى تۇيىتكىلدى ماسەلەنى شەشۋگە باعىتتالعان», دەگەن «رۋحاني جاڭعىرۋ» ققدي باسقارما توراعاسىنىڭ ورىنباسارى اسەم سەرىكقازىقىزى بارلىق ىنتالى ازاماتتى اتالمىش اكتسياعا قاتىسۋعا شاقىردى.
ءمالىم بولعانداي اۋىلدىق جەرلەردەگى كىتاپحانا قورىن ساپالى كىتاپتارمەن تولىقتىرۋ ماقساتىندا وتباسى كۇنىنە وراي ەلىمىزدە رەسپۋبليكالىق دەڭگەيدەگى «اۋىلىما كىتاپ» قايىرىمدىلىق اكتسياسى باستالعان بولاتىن. بۇل اكتسيا قر اقپارات جانە قوعامدىق دامۋ مينيسترلىگىنىڭ قولداۋىمەن ققدي «رۋحاني جاڭعىرۋ» وتباسى ينستيتۋتىن زەرتتەۋ ورتالىعى جانە «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ الەۋەتىمەن جۇزەگە اسىپ جاتىر.
«كىتاپ جيناۋ جانە تابىستاۋ شارالارى رەسپۋبليكالىق دەڭگەيدە بارلىق ەلدى-مەكەندە تامىزدىڭ 16 مەن قىركۇيەكتىڭ 20 ارالىعىندا وتەدى. اكتسيا بارىسىنداعى بارلىق اقپاراتتاردى #اۋىلىماكىتاپ2021 حەشتەگى ارقىلى تابا الاسىزدار», دەپ حابارلادى ۆەدومستۆو.