الماتىدا مەملەكەت مۇقتاجى ءۇشىن جەر ۋچاسكەلەرى تاركىلەنە باستايدى

مالىمەتكە سايكەس, مەگاپوليستىڭ تاريحي ورتالىعىنداعى اۋدانى 0,9863 گا بولاتىن توعىز جەر تەلىمىن ماجبۇرلەپ يەلىكتەن شىعارۋعا بولادى.

وسى ۋچاسكەلەردەگى جىلجىمايتىن م ۇلىككە باعالاۋ جۇرگىزىلەدى, سودان كەيىن وتەماقى سوماسى انىقتالادى.

اكىمدىكتىڭ اقپاراتى بويىنشا, باس جوسپار اياسىندا بۇل ۋچاسكەلەردە اباتتاندىرۋ جانە كوگالداندىرۋ بويىنشا جوبالار ىسكە اسىرىلاتىن بولادى.

سونىمەن قاتار, قالانىڭ جەر قاتىناستارى باسقارماسىنىڭ مالىمەتىنشە, بيىل 9,8 ملرد تەڭگەگە 159 جەر ۋچاسكەسى ساتىپ الىندى. وسىنىڭ ەسەبىنەن 14 الەۋمەتتىك نىساننىڭ قۇرىلىسى اياقتالدى. باسقارما باسشىسى ارداق سامامبەتوۆ مەگاپوليستە بيۋدجەتتىك جوبالاردى ىسكە اسىرۋدىڭ 90% جاعدايىندا جەر ساتىپ الۋ قاجەت ەكەنىن اتاپ ءوتتى. 

بۇعان دەيىن مەملەكەتتىك ورگاندار قالقاماندا مەترو سالۋ ءۇشىن 148 ۋچاسكە الىناتىنىن حابارلاعان بولاتىن. ولار ءۇشىن شامامەن 9 ملرد تەڭگە تولەۋ جوسپارلانعان.