باس كولىك پروكۋراتۋراسىنىڭ ءباسپاسوز حاتشىسى ابىروي حالىق ۇلى تاراز ماڭىنداعى جارىلىس كەزىندە قازا تاپقانداردىڭ ءبىرى تۋرالى ايتتى, دەپ حابارلايدى Egemen.kz.
«بۇگىن تاڭەرتەڭ ارىپتەسىمىز وڭتۇستىك ءوڭىردىڭ اسكەري پروكۋرورى قاپەزوۆ ارمان قۋانىش ۇلىنىڭ قازا بولعانى تۋرالى قايعىلى حابار كەلدى.
جامبىل وبلىسىنداعى اسكەري بولىمدە بولعان ءورت تۋرالى حاباردى العان ول وقيعالاردىڭ ەپيتسەنترىنە العاشقىلاردىڭ ءبىرى بولىپ جەتتى, وندا ادام ءولىمىنىڭ الدىن الۋعا كومەكتەسۋگە تىرىستى. ول ءوز ىسىمەن بىزگە ناعىز پروكۋروردىڭ, انتقا ادال, وفيتسەردىڭ ۇلگىسىن كورسەتتى, ول وتان الدىنداعى بورىشىن ورىندادى», دەپ جازدى ول Facebook الەۋمەتتىك جەلىسىندە.
حالىق ۇلىنىڭ ايتۋىنشا, بۇگىن پولكوۆنيك قاپەزوۆتىڭ تۋعان كۇنى.
ونى جاقىن تانيتىن ارىپتەستەرى ونىڭ تۋعان جەرىن جان-تانىمەن سۇيەتىنىن, ادال جانە ناعىز وفيتسەر ەكەنىن بىلەدى.
«ورتامىزدا بورىشىن وتەۋ ءۇشىن ءوز ءومىرىن بەرۋگە دايىن جولداستار باردا, ءبىز ءوز قىزمەتىمىزدى ابىرويمەن جالعاستىرامىز. مەن قازا بولعانداردىڭ وتباسىنىڭ قايعىسىنا ورتاقپىن. قازا بولعان وفيتسەرلەر, ءبىز ارقايسىڭىزدى ەستە ۇستايمىز, بالالارىڭىز ءبىزدىڭ قامقورلىعىمىزدا, ەندى ولاردىڭ اكەسى, جولداسى بولۋ - ارقايسىمىزدىڭ مىندەتىمىز», دەدى ول.