قازاقستان رەسپۋبليكاسى پارلامەنت سەناتىنىڭ توراعاسى ماۋلەن اشىمباەۆ جامبىل وبلىسىنداعى توتەنشە جاعدايعا بايلانىستى الاڭداۋشىلىق ءبىلدىردى, دەپ حابارلايدى Egemen.kz.
«قازىر اپات اۋماعىنداعى احۋال مەملەكەت باسشىسىنىڭ باقىلاۋىندا. پرەزيدەنتىمىزدىڭ تاپسىرماسىمەن ءتيىستى ورگانداردىڭ باسشىلارى وقيعا ورنىنا شۇعىل بارىپ, وبلىس باسشىلىعىمەن بىرلەسىپ ارەكەت ەتۋدە. سونداي-اق بايزاق اۋدانىندا جەدەل شتاب قۇرىلىپ, قۇتقارۋشىلار, اسكەري قىزمەتشىلەر, دارىگەرلەر جانە باسقا دا بەلسەندى ازاماتتار جۇمىس ىستەپ جاتىر. وكىنىشكە قاراي, قازا تاپقانداردىڭ بار ەكەنى بەلگىلى بولدى. وپات بولعانداردىڭ وتباسىلارى مەن جاقىندارىنا قايعىلارىنا ورتاقتاسىپ, كوڭىل ايتامىز جانە اپاتتان زارداپ شەككەندەردىڭ تەزىرەك ساۋىعىپ كەتۋىن تىلەيمىز», دەدى م.اشىمباەۆ.