جامبىل وبلىسىنداعى اسكەري بولىمدەگى جارىلىستان كەيىن ەۆاكۋاتسيالانعان اۋىل تۇرعىندارى بۇگىن ۇيىنە قايتارىلادى. بۇل تۋرالى جامبىل وبلىسىنىڭ اكىمى بەردىبەك ساپارباەۆ ءمالىم ەتتى, دەپ حابارلايدى Egemen.kz.
جارىلىس بولعان جەرگە جاقىن ورنالاسقان 3 ەلدى مەكەن بار. ونىڭ ەڭ جاقىنى قاينار اۋىلى - 1 شاقىرىم جەردە. ال قالعان ەكەۋىنىڭ قاشىقتىعى 5 شاقىرىم. وسى ءۇش ەلدى مەكەندە 718 ادام تۇرادى. كەشە ول كىسىلەردىڭ بارلىعى باسقا جەرلەرگە, ياعني ءبىز دايىنداعان 10 مەكتەپكە جانە 5 كوللەدجدىڭ جاتاقحاناسىنا ورنالاستىرىلدى. سوڭىندا ولاردان 227 ادام قالدى. ال قالعاندارى اعايىن-تۋىسقاندارىنا كەتتى», دەدى وبلىس باسشىسى جامبىل وڭىرلىك كوممۋنيكاتسيالار قىزمەتىندەگى ءباسپاسوز ءماسليحاتىندا.
سونىمەن قاتار اكىم بۇگىن تاڭەرتەڭ ەۆاكۋاتسيالانعان ادامدارعا بارىپ, جاعدايلارىن بىلگەندىگىن اتاپ ءوتتى.
«ولار ءتيىستى كومەكپەن, ياعني, تاماق, سۋسىنمەن قامتاماسىز ەتىلگەن. ەندى جالپى جاعدايعا قاراپ, بارلىعى دۇرىس دەپ شەشىلسە, وندا بۇگىن ولاردىڭ بارلىعىن ۇيلەرىنە قايتارامىز», دەدى بەردىبەك ساپارباەۆ.