قوعامدىق ءومىردىڭ قايناعان ورتاسىندا ءوزىنىڭ جارقىن يدەيا, ۇتقىر باستاماسىمەن كوزگە ءتۇسىپ جۇرگەن جاستار از ەمەس. سولاردىڭ قاتارىنا اكادەميك ە.بوكەتوۆ اتىنداعى قاراعاندى ۋنيۆەرسيتەتىنىڭ ستۋدەنتى الينا چۋمىشەۆانى دا سەنىمدى تۇردە قوسۋعا بولادى.
اتالعان ءبىلىم ورداسىنىڭ 4-كۋرس ستۋدەنتى «شەۆرون» كومپانياسى مەن نازارباەۆ ۋنيۆەرسيتەتى ۇيىمداستىرعان ۋنيۆەرسيتەتتەر اۋماعىن اباتتاندىرۋ بايقاۋىندا 700 مىڭ تەڭگە مولشەرىندەگى گرانتتى جەڭىپ العان بولاتىن.
بولاشاق ەكولوگ الينا چۋمىشەۆا گرانت قاراجاتىن ء«بىزدىڭ ورىن» دەپ اتالعان جوباعا سالدى. ەمەن, شەتەن, شىرشا جانە جابايى ءجۇزىم سىندى جاسىل جەلەككە مالىنعان جايلى دەمالىس اۋماعىندا اعاشتان جاسالعان جاپپا, جاياۋ جۇرگىنشىلەرگە ارنالعان تاس توسەمدەر بار.
ۋنيۆەرسيتەت باسشىلىعى بولسا, الينانىڭ عىلىمي تۇرعىداعى قىزىعۋشىلىعىنىڭ ارقاسىندا ەندى ستۋدەنتتەر مەن وقىتۋشىلاردىڭ ساباقتار, عىلىمي زەرتتەۋلەر مەن دەمالىس ۋاقىتىن وتكىزۋگە ارنالعان تاعى ءبىر جايلى دا وتە قاجەتتى الاڭنىڭ پايدا بولعانىن ماقتانىشپەن ايتادى.
قاراعاندى وبلىسى