زەرەندىدە ورمان ءورتى ءسوندىرىلدى

بۇل تۋرالى تجد ءباسپاسوز قىزمەتى مالىمدەدى.

ءباسپاسوز قىزمەتىنىڭ مالىمەتىنشە, 25 تامىزدا «كوكشەتاۋ» مۇتپ زەرەندى فيليالىنىڭ گريبنوۆسكوە ورمان شارۋاشىلىعى اۋماعىندا ورمان ورتەنگەن, ونى سوندىرۋگە 154 ادام مەن ءورت دەسانتى بار تىكۇشاق قاتىسقان.

ورمان ءورتىن جويۋعا 20 تەحنيكا, 1 تىكۇشاق جانە جەكە قۇرامنىڭ 142 ادامى, ونىڭ ىشىندە اقمولا وبلىسى تجد-نىڭ 5 تەحنيكاسى جانە 51 ادامى, 6 تەحنيكا جانە ورمان مەكەمەلەرىنىڭ 54 قىزمەتكەرى, «قازاۆياورمانقورعاۋ» اق-نىڭ 1 تىكۇشاعى, جەرگىلىكتى اتقارۋشى ورگانداردىڭ 7 تەحنيكاسى مەن 33 ادامى جانە ورتكە قارسى قۇرىلىمداردىڭ 2 تەحنيكاسى مەن 4 قىزمەتكەرى تارتىلدى», دەلىنگەن حابارلامادا.

ء«ورتتى ءسوندىرۋ وڭايعا سوقپادى, سەبەبى قاتتى جەل مەن اعاشتاردىڭ باسى ورتەنۋى كەدەرگى كەلتىردى. الايدا, جەدەل ءىس-قيمىلدار مەن كۇشتەر مەن قۇرالداردىڭ ۋاقتىلى جۇمىلدىرىلۋىنىڭ ارقاسىندا ءورت ساعات 18.50-دە وقشاۋلاندى, قازىرگى ۋاقىتتا ورمان ءىشىن بارلاۋ جۇرگىزىلۋدە. ورماننىڭ 7 گەكتارىن ءورت شارپىعان», دەلىنگەن حابارلامادا.

ماماندار «ورتەپ جىبەردى» دەگەن بولجام جاساپ وتىر. ءورت بولعان جەردە زەرەندى اۋداندىق پوليتسيا ءبولىمىنىڭ جەدەل تەرگەۋ توبى جۇمىس ىستەيدى.

ەسكە سالا كەتەيىك, اقمولا وبلىسىندا اۋا رايىنىڭ ىستىق بولۋىنا بايلانىستى ءورت قاۋپىنىڭ دەڭگەيى جوعارى. توتەنشە جاعدايلار دەپارتامەنتى ورمان القاپتارىندا ءورت قاۋىپسىزدىگىن ساقتاۋ قاجەت ەكەنىن ەسكەرتەدى.