جاڭا وقۋ جىلى: قازاقستاننىڭ باس سانيتاريا دارىگەرى قاۋلى شىعاردى

2021-2022 وقۋ جىلىندا شتاتتىق فورماتتا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا تالاپ ەتىلەدى:

پەداگوگتار مەن پەرسونالدىڭ 100% ۆاكتسيناتسيالانۋى (تۇراقتى مەديتسينالىق قارسى كورسەتىلىمدەرى بار ادامداردى, COVID-19 اۋىرىپ ساۋىققان ادامداردى ساۋىققاننان كەيىن 3 اي ىشىندە قوسپاعاندا); ۇيىمعا كىرۋ كەزىندە Ashyq قوسىمشاسىن ەنگىزۋ (پەداگوگتاردى, پەرسونالدى, اتا-انالاردى (زاڭدى وكىلدەردى), 18 جانە ودان جوعارى جاستاعى ءبىلىم الاتىن كەلۋشىلەردى QR-كود (check-in) بويىنشا تىركەۋ); ماسكا رەجيمىن ساقتاۋ; رەتسيركۋلياتورلاردىڭ, سانيتايزەرلەردىڭ, تەرى انتيسەپتيكتەرىنىڭ, دەزينفەكتسيالاۋ جانە جۋ قۇرالدارىنىڭ جەتكىلىكتى سانىمەن قامتاماسىز ەتۋ; ءۇي-جايلاردى جيناۋ جانە دەزينفەكتسيالاۋ جيىلىگىن ارتتىرۋ; ءۇي-جايلاردى ىلعالدى جيناۋ جانە دەزينفەكتسيالاۋ, ءۇي-جايلاردىڭ اۋاسىن جەلدەتۋ جانە زارارسىزداندىرۋ رەجيمىنە قويىلاتىن تالاپتاردى ساقتاۋ; پەداگوگتاردىڭ, پەرسونالدىڭ جانە ءبىلىم الۋشىلاردىڭ كۇندەلىكتى «كىرۋ» سۇزگىسى (بايلانىسسىز تەرمومەترمەن تەرمومەتريا); بۇقارالىق ءىس-شارالاردى وتكىزۋگە تىيىم سالۋ (مادەني, تاربيە, سىنىپتان تىس جانە اتا-انالار جينالىستارى جانە ت. ب.); مەكتەپكە دەيىنگى جانە ورتا ءبىلىم بەرۋ ۇيىمدارىندا توپتار مەن سىنىپتاردى بىرىكتىرە وتىرىپ ءىس-شارالار وتكىزۋگە تىيىم سالۋ; زەرتحانالىق, پراكتيكالىق ساباقتاردى قوسپاعاندا, كابينەتتىك وقىتۋ جۇيەسىن بولدىرماۋ; باستاۋىش, ورتا جانە جوعارى سىنىپ وقۋشىلارىن بولەك ۇستاۋ (ساباقتىڭ باستالۋ ۋاقىتى بويىنشا ەڭ جوعارى مۇمكىندىكتى ەسكەرە وتىرىپ) جاعدايلارىندا وقىتۋ. سىنىپتا (توپتا) COVID-19 اۋرۋىنىڭ 1 جاعدايى تىركەلگەن كەزدە - سىنىپ (توپ) 14 كۇن بويى ءۇي كارانتينىنە وقشاۋلاۋعا جاتادى.

ال كوللەدجدەردە, جوعارى وقۋ ورىنداردا COVID-19 اۋرۋىنىڭ 1 ينكۋباتسيالىق كەزەڭىندە ءبىر اعىن توپتارىنىڭ 30 پايىزدان استامى تىركەلگەن كەزدە - اعىن 14 كۇن بويى ءۇي كارانتينىنە وقشاۋلانۋعا جاتادى.