كونستيتۋتسيا كۇنى قارساڭىندا ەلوردادا جاس تەرگەۋشىلەر سوت سالاسىنىڭ ارداگەرلەرىمەن كەزدەسۋ وتكىزدى, دەپ حابارلايدى Egemen.kz.
«زاڭ سالاسىندا جۇمىس ىستەيتىندەر ءۇشىن كونستيتۋتسيا كۇنى ەرەكشە مەرەكە بولىپ سانالادى. ءبىزدىڭ باستى مىندەتىمىز – ازاماتتاردىڭ قۇقىقتارى مەن بوستاندىقتارىن قورعاۋ. قازىرگى ۋاقىتتا اتا زاڭعا ەرەكشە نازار اۋدارىلادى. ءار ادام ءوز ەلىنىڭ كونستيتۋتسياسىن بىلۋگە جانە ونى ءاردايىم ناسيحاتتاۋعا ءتيىس. كونستيتۋتسيادا بارلىعى ەگجەي-تەگجەيلى جازىلعان, نورمالار زاڭمەن رەتتەلگەن. ۇزاق جىلدار بويى سوت سالاسىندا جۇمىس ىستەدىم, سۋديا بولدىم. الايدا العاشقى ءۇش جىل تەرگەۋشى بولىپ جۇمىس ىستەدىم. سوندىقتان بۇل سالا ماعان دا جاقىن. وقۋدى بىتىرگەننەن كەيىن اۋداندىق سوتتا تەرگەۋشى بولىپ جۇمىس ىستەدىم. قىلمىستىق ءىس جۇرگىزەتىن ماڭىزدى ادام - تەرگەۋشى», دەدى قر جوعارعى سوتىنىڭ ەكس-سۋدياسى, وبلىستىق سوتتاردىڭ توراعاسى امانگەلدى رىسقاليەۆ.
كەزدەسۋ بارىسىندا ارداگەرلەر ءوز تاجىريبەلەرىمەن جانە پايدالى داعدىلارىمەن ءبولىستى.