قر ۇلتتىق ەكونوميكا مينيسترلىگى وڭىرلەردى تالداۋ جانە جەرگىلىكتى ءوزىن-ءوزى باسقارۋدى دامىتۋ دەپارتامەنتى ديرەكتورىنىڭ ورىنباسارى ميرجان يمانباەۆ ەلىمىزدە اۋىل, اۋدان جانە قالا مارتەبەسىن بەرۋ ستاندارتى ازىرلەنەتىنىن ايتتى, دەپ حابارلايدى Egemen.kz.
«اۋىل, اۋدان جانە قالا مارتەبەسىن بەرۋ تالاپتارى قايتا قارالادى. قالا مارتەبەسىنىڭ بەرىلۋى ءۇشىن وندا تۇراتىن حالىقتىڭ سانى 10 مىڭنان كەم بولماۋى ءتيىس, ال بىزدە حالىق سانى 10 مىڭعا جەتپەيتىن قالالار بار. حالقى 10 مىڭنان اساتىن, بىراق اۋىل مارتەبەسى بەرىلگەن كەزدەر دە بولدى. وسى ماسەلەردى شەشۋ ءۇشىن, تالاپتاردى قايتا قاراپ, جاڭا ستاندارت دايىندالادى. ستاندارتتا حالىقتىڭ سانىنان بولەك, اۋىلدا نەمەسە اۋداندا قانداي ينفراقۇرىلىم بولۋى ءتيىس, ونىڭ دامۋ كورسەتكىشى تولىق كورسەتىلەتىن بولادى. قالالار دەڭگەيىنە قاراي 3-كە جىكتەلەدى: اۋداندىق ماڭىزى بار قالا, وبلىستىق جانە رەسپۋبليكالىق ماڭىزى بار قالا», دەدى ميرجان يمانباەۆ.
ونىڭ ايتۋىنشا, اۋداندىق ماڭىزى بار قالادا حالىقتىڭ سانى 10 مىڭنان كەم بولماسا, وبلىستىق ماڭىزى بار قالادا كەمىندە 50 مىڭ ادام تۇرۋى ءتيىس.
«بيۋدجەت بەرىلگەن مارتەبەگە سايكەس بەلگىلەنەدى. ارينە اۋىلعا قاراعاندا اۋدان مەن قالانىڭ بيۋدجەتى مولىراق. ەلىمىزدە اۋىل, اۋدان جانە قالا مارتەبەسىن بەرۋ تالاپتارىنا تالداۋ جاساۋ كەلەسى جىلى قولعا الىنادى. ال ستاندارتتىڭ ءوزىن 2023 جىلى قابىلداۋ جوسپارلاندى», دەپ ناقتىلادى ول.