قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى بايلانىس قىزمەتىن كورسەتۋ ەرەجەلەرىنە وزگەرىس ەنگىزەتىن بۇيرىق ازىرلەدى, دەپ حابارلايدى Egemen.kz.
بۇيرىق جوباسىندا كەلەسى وزگەرىستەر قاراستىرىلعان:
- ابونەنتتەرمەن ۇيالى بايلانىس قىزمەتتەرىن كورسەتۋ تۋرالى شارتتاردى جاساسادى;
- ابونەنتكە ۇيالى بايلانىس وپەراتورىنىڭ جانە ابونەنتتىك قۇرىلعىنىڭ تەحنيكالىق مۇمكىندىگىنە سۇيەنە وتىرىپ, قاشىقتان ۇيالى بايلانىستىڭ ابونەنتتىك قۇرىلعىسىنا QR كودىن (eSim) بەرۋ, جەتكىزۋ نەمەسە جۇكتەۋ جولىمەن ابونەنتتى سايكەستەندىرۋ كارتاسىن الۋ مۇمكىندىگىن بەرەدى
- ابونەنتتەردى سايكەستەندىرۋ تەتىكتەرىن قولدانۋ (ەلەكتروندىق تسيفرلىق قولتاڭبا, QR كودى, SMS);
- مەكەنجاي انىقتاماسى (كورسەتىلگەن مەكەنجاي بويىنشا تىركەلگەنىن راستايتىن قۇجات) الىنىپ تاستالدى.
روۋمينگ-سەرىكتەستىڭ شارتتارى تۋرالى كەز كەلگەن حابارلاما قىسقا ماتىندىك حابارلامالار نەمەسە USSD-سۇراۋ جىبەرۋ ارقىلى ابونەنت باسقا ەلگە كىرگەنىن ءتيىستى راستاعاننان كەيىن ابونەنتكە جىبەرىلەدى.
سونداي-اق بايلانىس وپەراتورلارىنىڭ حالىققا قىزمەت كورسەتۋ ساپاسىن جاقسارتۋ جانە تەلەفون قىزمەتتەرىن ساپالى ۇسىنۋ ماقساتىندا تەلەفون بايلانىسى قىزمەتتەرىن كورسەتۋ مەرزىمى قىسقارادى.
ينفوكوممۋنيكاتسيالىق تەحنولوگيالاردىڭ دامۋىنا بايلانىستى ابونەنتتەرمەن شارت جاساسۋ ءۇشىن قاجەتتى اقپاراتتى الۋ جولدارى كەڭەيەدى.
بۇل رەتتە ابونەنتتەردىڭ مۇددەسىن قورعاۋ ءۇشىن تاريفتىك جوسپاردىڭ شارتتارى وزگەرگەن كەزدە ابونەنتكە حابارلاسىپ, كەلىسىمى الىنۋى كەرەك.
سونداي-اق ابونەنتتىڭ ءوتىنىشى بويىنشا بايلانىس جەلىلەرىندە اۆاريا بولعان جاعدايدا جانە ۇيالى بايلانىس وپەراتورىنىڭ كىناسىنەن بايلانىس بولماعان كەزدە ابونەنتتىك تولەمدى قايتا ەسەپتەۋدى جۇرگىزەدى.
ابونەنتتەر كەلىسىم-شارتتى بىرجاقتى بۇزا الادى, بۇل تۋرالى بايلانىس وپەراتورىنا جازباشا تۇردە حابارلاپ, وعان كەلتىرىلگەن ناقتى شىعىنداردى تولەي الادى.
سونىمەن قاتار الىنعان بايلانىس قىزمەتتەرى تۋرالى اي سايىن اقىسىز اقپارات الۋ جولدارى كەڭەيتىلەدى.
بۇيرىقتىڭ جوباسى 9 قىركۇيەككە دەيىن قوعامدىق تالقىلاۋ ءۇشىن اشىقنقا ۆەب-سايتىندا ورنالاستىرىلعان.