نۇر-سۇلتان قالاسىنىڭ اكىمى التاي كولگىنوۆ ءبىلىم بەرۋ ماسەلەلەرى جونىندەگى تامىز كونفەرەنتسياسىندا وقۋشىلاردى تاۋەلسىز تەستىلەۋدەن وتكىزۋ قاجەتتىلىگى تۋرالى ايتتى, دەپ حابارلايدى Egemen.kz.
«ەلوردا PISA بويىنشا رەسپۋبليكادا كوشباسشىلىق پوزيتسياعا يە بولعانىنا قاراماستان, بىزگە ماتەماتيكا, وقۋ, جاراتىلىستانۋ عىلىمدارى بويىنشا كۇردەلىلىكتىڭ جوعارى جانە ىلگەرى دەڭگەيىندەگى تاپسىرمالاردى ورىنداۋ بويىنشا ماسەلەنى پىسىقتاۋ قاجەت. سينگاپۋردا ءاربىر ەكىنشى وقۋشى وزىق دەڭگەيدەگى ەسەپتەردى شەشسە, ءبىزدىڭ ەلىمىزدە بۇل دەڭگەيدىڭ 16 پايىزى ورىن الادى», دەدى كولگىنوۆ ءبىلىم بەرۋ ماسەلەلەرى جونىندەگى تامىز كونفەرەنتسياسىندا.
قالا اكىمى قازاقستاندىق وقۋشىلار اراسىنداعى ەىدۇ-نىڭ ماتەماتيكا بويىنشا ورتاشا كورسەتكىشىنەن ايىرماشىلىق 66 بالل ەكەنىن ايتتى.
«ورتاشا كورسەتكىش 489 بالل, قازاقستان بويىنشا 423 بالل. وسىعان بايلانىستى وقۋشىلاردى تاۋەلسىز تەستىلەۋدەن وتكىزۋ قاجەت, سونداي-اق ءپان مۇعالىمدەرى ءوز كوزقاراستارىن قايتا قاراپ, وقۋشىلاردىڭ سىني ويلاۋ, وقۋ جانە تسيفرلىق ساۋاتتىلىق داعدىلارىن دامىتۋى قاجەت», دەدى كولگىنوۆ.