ستەپنوگور قالاسىنداعى كوپقاباتتى تۇرعىن ۇيدە بولعان ءورتتى ءسوندىرۋ بارىسىندا اۆتوساتى كومەگىمەن بەس ادام قۇتقارىلىپ, 15 ادام ەۆاكۋاتسيالاندى, دەپ حابارلايدى Egemen.kz.
ۆەدومستۆونىڭ مالىمەتىنشە, ستەپنوگور قالالىق ءورت ءسوندىرۋ بولىمىنە 9-شى شاعىن اۋدانداعى 46-ۇيدە پاتەردىڭ ورتەنگەنى تۋرالى حابار تۇسكەن.
ء«ورت التىنشى قاباتتاعى ءبىر بولمەلى پاتەردەن شىقتى. ورتتەن كورشى پاتەرلەردىڭ ەسىكتەرى زاقىمدالدى, ءورت اۋماعى 30 شارشى مەتردى شارپىدى», دەپ ءتۇسىندىردى ستەپنوگور قالاسىنىڭ تجب باستىعىنىڭ مىندەتىن اتقارۋشى ارمان شاياحمەتوۆ.
اۆتوساتىنىڭ كومەگىمەن بەس ادام قۇتقارىلدى, باسپالداق مارشى بويىنشا 15 ادام, ونىڭ ىشىندە ءبىر بالا ەۆاكۋاتسيالاندى.
قازىر ءورتتىڭ شىعۋ سەبەبى انىقتالىپ جاتىر. پاتەر يەسىنىڭ ايتۋىنشا, ءورت بالكوندا تۇرعان كيىمگە تۇسكەن تەمەكى تۇقىلىنان تۇتانعان. اقمولا تۇرعىندارى بۇكىل مۇلكىنەن ايىرىلعان وتباسىعا كومەكتەسۋدى باستاپ كەتتى.