بۇگىن قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن قر اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) وتىرىسى وتكەنىن حابارلايدى Egemen.kz.
پرەمەر-ءمينيستردىڭ تاپسىرماسى بويىنشا ەپيدەميولوگيالىق جاعدايدىڭ تۇراقتالۋىنا بايلانىستى ۆاك كارانتيندىك رەجيمدى جەڭىلدەتۋ بويىنشا بىرقاتار شەشىمدەردى ماقۇلدادى.
اعىمداعى جىلدىڭ 28 تامىزىنان باستاپ رۇقسات بەرىلەدى:
«Ashyq» جوباسىنا قاتىساتىن بارلىق بيزنەس وبەكتىلەرىنىڭ دەمالىس كۇندەرى ساعات 24:00-گە دەيىن, «ASHYQ» جوباسىنىڭ كوشباسشىلارى – قوسىمشاسى ارقىلى راستالعان قىزمەتكەرلەر مەن كەلۋشىلەردىڭ «جاسىل مارتەبەسى» (ۆاكتسيناتسيالانعاندار, 7 كۇننەن كەم ەمەس تەرىس ناتيجەسى بار پتر تەستىنىڭ بولۋى) بولعان جاعدايدا ساعات 02:00-گە دەيىن;
- سەنبى كۇنى - قوعامدىق كولىك قىزمەتىنە.
2. اعىمداعى جىلدىڭ 30 تامىزىنان باستاپ جۇمىس كۇندەرى:
- «Ashyq» جوباسىنا قاتىساتىن بارلىق بيزنەس وبەكتىلەرىنىڭ جۇمىس ۋاقىتى 22:00-دەن 24:00-گە دەيىن, «Ashyq» جوباسى كوشباسشىلارىنىڭ جۇمىس ۋاقىتى 24:00-دەن 02:00-گە دەيىن ۇزارتىلدى.
بۇل رەتتە ەپيدەميولوگيالىق جاعدايدى ەسكەرە وتىرىپ, الماتى قالاسىندا كارانتيندىك شارالاردىڭ جەڭىلدەتىلۋىن 4 قىركۇيەكتەن باستاپ دەمالىس كۇندەرى, ال جۇمىس كۇندەرى 6 قىركۇيەكتەن باستاپ ەنگىزۋ جوسپارلانعان.
سونداي-اق, ۆاك-تا جاڭا وقۋ جىلىنا دايىندىق ماسەلەسى قارالدى.
پرەمەر-ءمينيستردىڭ ورىنباسارى اعىمداعى جىلدىڭ تامىز ايىنىڭ سوڭىنا دەيىن ورىنداۋ ءۇشىن كەلەسى تاپسىرمالاردى بەردى:
- مەديتسينالىق قارسى كورسەتىلىمدەرى بار ادامداردى قوسپاعاندا, پەداگوگتەر مەن تەحنيكالىق پەرسونالدى ۆاكتسيناتسيالاۋدى اياقتاۋ;
- سانيتاريا تالاپتارىنا سايكەس مەكتەپتەردىڭ تولىق دايىندىعىن قامتاماسىز ەتۋ;
- پەداگوگتەر, قىزمەتكەرلەر جانە اتا-انالار ءۇشىن بارلىق ءبىلىم بەرۋ ۇيىمىندا «Ashyq» جۇيەسىنىڭ جۇمىسىن قامتاماسىز ەتۋ;
- ءبىلىم بەرۋ ۇيىمدارىن وقۋلىقتارمەن, وقۋ-ادىستەمەلىك كەشەندەرمەن 100% قامتاماسىز ەتۋ;
- مەكتەپتەردە كۇردەلى جانە اعىمداعى جوندەۋ جۇمىستارىن اياقتاۋ.
ۆاك وتىرىسىندا پرەمەر-ءمينيستردىڭ ورىنباسارى باسقا دا بىرقاتار تاپسىرما بەردى.