اشراف عاني ۇكىمەتى كەزىندە اۋعانستان بايلانىس ءمينيسترى بولعان سايەد احماد شاح ساداات 2020 جىلدىڭ سوڭىندا ەلدەن كەتكەن. قازىر ول لەيپتسيگتە كۋرەر بولىپ جۇمىس ىستەيدى, دەپ جازادى Egemen.kz Leipziger Volkszeitung باسىلىمىنا سىلتەمە جاساپ.
Leipziger Volkszeitung مالىمەتى بويىنشا, ساداات قارجىلىق ماسەلەگە بايلانىستى Lieferando كومپانياسىنا پيتستسا جەتكىزۋشى بولىپ جۇمىسقا ورنالاسقان. سونداي-اق ول ەۋروپانىڭ ءىرى تەلەكوممۋنيكاتسيالىق كومپانياسى Telekom-دا جۇمىسقا ىستەۋدى قالايدى.
2018 جىلدان باستاپ ساداات ەكس-پرەزيدەنت اشراف عاني جاساقتاعان مينيسترلەر كابينەتىنىڭ مۇشەسى بولعان. ول اۋىل تۇرعىندارى ءۇشىن ۇيالى بايلانىس جەلىسىن كەڭەيتۋگە جاۋاپتى بولدى.
2020 جىلى اشراف عاني ۇكىمەتى ساادات تاليبانعا قارسى كۇرەستىڭ ۇكىمەتتىك ستراتەگياسىن قولدانا وتىرىپ, ءوز اگەنتتىگىنە قارجى اۋدارۋدان باس تارتقانى ءۇشىن وتستاۆكاعا كەتۋگە ءماجبۇر ەتتى.
ناتيجەسىندە ەكس-مينيستر گەرمانياعا قونىس اۋدارىپ, جاڭا ءومىر باستاعان.