قازاقستاندىقتار «كيللەر كودەكسى» فيلمىنە ءتۇستى

ايتا كەتەيىك, گولليۆۋدتىڭ «كيل­لەر كودەكسى» ءفيلمى الەمدىك پروكاتقا شىققان بولاتىن. وندا باستى رول­دەردى سەميۋەل لەروي دجەكسون, مەگگي كيۋ جانە مايكل كيتون وينايدى. سونى­مەن قاتار ءفيلمدى ءتۇسىرۋ جۇمى­سىنا Nomad Stunts توبىنداعى قازاق­ستان­دىق كاسكادەرلەر دە قاتىسقان.

«جوبادا, جالپى Nomad Stunts تو­بىنىڭ 10 كاسكادەرى ونەر كورسەتتى. ايتا كەتەرلىگى, كاسكادەرلەر ەكشنگە عانا جۇمىلدىرىلماي, قيىن ەپيزودتاردا باستى كەيىپكەرلەر ءرولىن سومدادى. سونداي-اق ەپيزودتىق ساحنالارعا اكتەر رەتىندە دە قاتىستى», دەيدى توپ مۇشەلەرى.

قازاقستاندىق اكتەرلەر بان­ديت­تەردىڭ, بوسقىندار مەن وققاعار­لار­دىڭ, شەكاراشىلار مەن بەيبىت تۇر­عىنداردىڭ رولىندە وينادى. تۋىندى رەجيسسەرى «رويال كازينوسى», «زور­را ماسكاسى», «جاتجۇرتتىق» سىندى فيلم­دەرمەن جۇمىس ىستەگەن مارتين كەمپبەلل بولدى. ءتۇسىرىلىم جۇمىستارى رۋمىنيادا ءوتتى.