اقمولا وبلىسىندا قارت ايەلدى توناپ كەتكەن قاسكۇنەم ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
اقكول اپب كەزەكشى بولىمىنە 61 جاستاعى جەرگىلىكتى تۇرعىنىنان ۇرلىق فاكتىسى بويىنشا ارىز ءتۇستى.
جابىرلەنۋشىنىڭ ايعاقتارى بويىنشا, 20 تامىز كۇنى تاڭەرتەڭ «ششۋچينسك-نۇر-سۇلتان» اۆتوجولىندا Mercedes Benz 260ە تاكسي جۇرگىزۋشىسى قارت ايەلدى پىشاقپەن قورقىتىپ, ونىڭ 10 مىڭ تەڭگەسىن ۇرلاپ كەتكەن. جەدەل-ىزدەستىرۋ ءىس-شارالارى بارىسىندا اقمولالىق پوليتسەيلەر كۇدىكتىنى انىقتاپ, ۇستادى. تەرگەۋ جۇمىستارى بارىسىندا كۇدىكتى بۇرىن زورلاۋ, توناۋ, كولىك ۇرلاۋ جانە ۇرلىق ءۇشىن سوتتالعان ستەپنوگور قالاسىنىڭ 44 جاستاعى تۇرعىنى ەكەنى انىقتالدى.
قازىرگى ۋاقىتتا اتالعان فاكتى بويىنشا قر قك 191-بابىنىڭ 2-بولىگى «توناۋ» بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى.