اتالمىش جوبا قازاقستانداعى ايەلدەردىڭ الەۋمەتتىك-ەكونوميكالىق جاعدايىن جاقسارتۋ بويىنشا ۇسىنىستاردى ازىرلەۋگە مۇمكىندىك بەرەدى, دەپ جازادى Egemen.kz قر اقپارات جانە قوعامدىق دامۋ مينيسترلىگىنىڭ رەسمي سايتىنا سىلتەمە جاساپ.
«جەرگىلىكتى بىرلەستىكتەردى تۇراقتى دامىتۋ» قوعامدىق قورى ازاماتتىق باستامالاردى قولداۋ ورتالىعىنىڭ مۇرىندىق بولۋىمەن «گەندەرلىك مۇقتاجدىق پەن قاجەتتىلىكتەر كارتاسى: ەتنوستىق سيپاتتىڭ, ايماق پەن دارەجەنىڭ ىقپالى» اتتى الەۋمەتتىك جوبانى جۇزەگە اسىرۋدا.
جوبا دارەجەلىك, ەتنيكالىق جانە جاس بويىنشا فاكتورلاردى ەسەپكە الا وتىرىپ, ايەلدەردىڭ گەندەرلىك مۇقتاجدىعىن زەرتتەۋدى كوزدەيدى.
«جوبانىڭ بولجامدى ناتيجەلەرى: وڭىرلەر, قالالار مەن اۋدانداردا قاجەتتىلىكتەردى بىرلەسىپ باعالاۋ ادىستەرىن ء(ببا) پايدالانا وتىرىپ, جۇمىسپەن قامتۋ, نەگىزگى الەۋمەتتىك قىزمەتتەرگە قولجەتىمدىلىك, مەملەكەتتىك قولداۋدىڭ ءتۇرلى شارالارىنا قول جەتكىزۋ بويىنشا ەكى تىلدە ساراپشىلارمەن جاسالعان گەندەرلىك مۇقتاجدىق پەن قاجەتتىلىكتەردى زەرتتەۋدىڭ ادىستەمەسى, تالدامالىق ماتەريال ازىرلەۋ, گەندەرلىك مۇقتاجدىق پەن قاجەتتىلىكتەردىڭ ينتەراكتيۆتى كارتاسىن ازىرلەۋ, حالىقتى حاباردار ەتۋ», دەلىنگەن مينيسترلىك تاراتقان حابارلامادا.
جوبا شەڭبەرىندە 17 مىڭ ايەلدى قامتىپ, 20 ساراپشىدان سۇحبات الۋ كوزدەلگەن, جانە ايماقتار بويىنشا 17 ۇيلەستىرۋشى جۇمىس ىستەيدى.