وتكەن اپتادا ەلىمىزدىڭ اۋماعىندا 3 311 قىلمىس جاسالدى. بۇل تۋرالى قر ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى, دەپ حابارلايدى Egemen.kz.
رەسمي وكىلدىڭ دەرەگىنشە, وتكەن اپتادا ەلىمىزدىڭ اۋماعىندا 3 311 قىلمىس جاسالىپ, ونىڭ 2 269-ى ءبىر تاۋلىك ىشىندە اشىلعان.
«پوليتسيا قىزمەتكەرلەرى ء«ىزىن سۋىتپاي» 5 كىسى ءولتىرۋدى, 10 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى, 37 توناۋ جانە 528 بوتەن م ۇلىكتى ۇرلاۋ قىلمىستارىن اشتى», دەدى ءنۇردىلدا وراز.
سونىمەن قاتار ول 16 مەن 22 تامىز ارالىعىندا كولىك ۇرلىعىن بولدىرماۋعا جانە ۇرلانعان كولىك قۇرالدارىن انىقتاۋعا باعىتتالعان «اۆتوموبيل» اتتى الدىن الۋ ءىس-شاراسى وتكەندىگىن ەسكە سالدى.