ايماق پوليتسياسى 18 تامىزدان باستاپ اكىمشىلىك ايىپپۇل بورىشكەرلەرىنە قاتىستى 313 ماتەريال قوزعادى, دەپ حابارلايدى Egemen.kz قازاقپارات-قا سىلتەمە جاساپ.
«وبلىس پوليتسەيلەرى ايىپپۇل تولەمەگەن بورىشكەرلەردى 7 ملن استام تەڭگە تولەتتى. تۇرعىلىقتى مەكەن-جايى بويىنشا ايىپپۇل تولەمەگەن 943 بورىشكەر تەكسەرىلدى. قارىزىن وتەمەگەن 8 ادامنىڭ كولىگى ايىپپۇل تۇراعىنا قويىلدى, 313 اكىمشىلىك ماتەريال قوزعالدى», دەپ باياندادى پاۆلودار وبلىستىق پوليتسيا دەپارتامەنتى باسقارماسىنىڭ باستىعى نۇرجان تاڭاتاروۆ.
ۆەدومستۆو ءباسپاسوز قىزمەتىنىڭ مالىمەتىنشە, پوليتسيا 18 تامىزدان بەرى ايماقتا «بورىشكەر» وپەراتسياسىن جۇرگىزىپ جاتىر. ن.تاڭاتاروۆ شارانىڭ ماقساتى – اكىمشىلىك ايىپپۇل تولەمەي جۇرگەندەردى انىقتاۋ جانە ولارعا قاتىستى شارالار ەكەنىن قوسىپ ءوتتى.
«رەيد شارالارى تەك جولداردا ەمەس, ايىپپۇل تولەمەيتىندەردىڭ تۇرعىلىقتى مەكەن-جايلارى بويىنشا دا جۇرگىزىلۋدە», دەپ حابارلادى پاۆلودار وبلىستىق پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى.