الماتىدا سۋ ءتاريفى ارزاندادى

قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتى دەپارتامەنتىنىڭ قىزمەتكەرلەرى تالداۋ جۇرگىزگەن. ناتيجەسىندە بەكىتىلگەن تاريفتىك سمەتانىڭ شىعىن باپتارى 5 پايىزدان ارتىق ورىندالماعانى جانە ۇلتتىق بانكتىڭ بازالىق مولشەرلەمەسىن ەسكەرە وتىرىپ, نەگىزسىز كىرىس سوماسى العاباستا 12 470 340 تەڭگە, ال اقبۇلاقتا - 3 003 340 تەڭگە بولعانى انىقتالدى.

ەندى العاباستا سۋمەن جابدىقتاۋ قىزمەتىنىڭ ءتاريفى 35,26 تەڭگەگە ارزانداپ, ققس ەسەبىنسىز تەكشە مەترگە 69,00 تەڭگە بولدى. بۇل قولدانىستاعى ءتاريفتىڭ 33,81 پايىزى (قولدانىستاعى تاريف - 104,26 تەڭگە/م3). جەڭىلدەتىلگەن ءتاريفتى قولدانىلۋ مەرزىمى 2021 جىلدىڭ 1 قاراشاسىنان 2022 جىلدىڭ 31 قازانىنا دەيىن.

ال اقبۇلاقتاعى تاريف 26,63 تەڭگەگە ارزانداعان, ققس-سىز 60,64 تەڭگە/م3 نەمەسە قولدانىستاعى ءتاريفتىڭ 30,5 پايىزى (قولدانىستاعى تاريف - 87,27 تەڭگە / م3). جەڭىلدەتىلگەن ءتاريفتى قولدانىلۋ مەرزىمى 2021 جىلدىڭ 1 قازانىنان 2022 جىلدىڭ 30 قىركۇيەگىنە دەيىن.