قازاقستاندىق Nomad Stunts توبىنىڭ كاسكادەرلەرى گولليۆۋد اكتەرى سەميۋەل ل.دجەكسونمەن بىرگە فيلمگە ءتۇستى, دەپ حابارلايدى Egemen.kz Tengrinews.kz -كە سىلتەمە جاساپ.
«كيللەر كودەكسى» ءفيلمىنىڭ كورسەتىلىمى بۇكىل الەمدە وتەدى. وندا سەميۋەل ل. دجەكسون, مەگگي كيۋ جانە مايكل كيتون وينايدى. سونىمەن قاتار فيلمگە قازاقستاندىق Nomad Stunts توبىنىڭ 10 كاسكادەرى قاتىسقان.
«تۇسىرىلىمگە قاتىسۋ تۋرالى ۇسىنىس 2019 جىلدىڭ سوڭىندا ءتۇستى. ءبىز كاسكادەرلەردى تاڭدادىق - فيلم ۇيلەستىرۋشىسى مەن رەجيسسەر سۇرانىسىنا سايكەس كەلەتىن سەگىز جىگىت پەن ەكى قىز. 2020 جىلعى اقپاندا رۋمىنيادا بولعان تۇسىرىلىمگە ءبىزدىڭ كاسكادەرلەر ۇشىپ باردى. جالپى ولار وندا شامامەن ەكى اي بولدى. ءبىر اي دايىندىققا, مونتاجعا, جاتتىعۋلارعا, ەكىنشىسى - تۇسىرىلىمگە جۇمسالدى», دەدى Nomad Stunts حالىقارالىق كاسكادەرلار توبىنىڭ جەتەكشىسى, قازاقستاننىڭ ەڭبەك سىڭىرگەن قايراتكەرى جايداربەك كۇنعۇجينوۆ.
Nomad Stunts كاسكادەرلەرى تەك تۇسىرىلىمگە قاتىسىپ قانا قويماي, كەيىپكەرلەردى دۋبلياجداپ, سونىمەن قاتار ەپيزودتىق كورىنىستەرگە اكتەر رەتىندە قاتىسقان.