وزبەكستان شەكارا ماڭىنا شاتىر تىگىپ, 150-گە جۋىق اۋعان بوسقىنىن ۋاقىتشا ورنالاستىردى, ونىڭ ىشىندە 17 ايەل مەن بالالار بار, دەپ جازادى Egemen.kz.
Sputnik وزبەكستاننىڭ جازۋىنشا, لاگەر كۇزەتىلەدى, ال دارىگەرلەر مۇقتاج جاندارعا كومەكتەسىپ جاتىر.
بوسقىندار كوروناۆيرۋسقا تەكسەرىلدى, ينفەكتسيا جۇقتىرعاندار انىقتالمادى.
سونىمەن قاتار بوسقىندار ءۇشىن تاماقتانۋعا جاعداي جاسالعانى, ەڭ قاجەتتى زاتتارمەن قامتاماسىز ەتىلگەنى ايتىلدى. ولاردىڭ بۇل جەرگە قاي ۋاقىتقا دەيىن ورنالاستىرىلعانى, الداعى تاعدىرى تۋرالى ءالى حابارلانعان جوق.
دەرەككوزگە سايكەس, وزبەكستانعا ۇشاقپەن كەلگەن اۋعانستان ارمياسىنىڭ 650-گە جۋىق قىزمەتكەرى جەرگىلىكتى اسكەري پوليگون ماڭىنداعى كوۆيد ورتالىعىنا ۋاقىتشا ورنالاستىرىلعان.