وتباسىلىق جانجال كەزىندە كۇيەۋى ورتەپ جىبەرگەن ايەل قايتىس بولدى, دەپ حابارلايدى Egemen.kz.
پاۆلودار وبلىسىنىڭ تۇرعىنى اۋىر دارەجەدەگى كۇيىكپەن اۋرۋحاناعا جەتكىزىلىپ, بىردەن جانساقتاۋ بولىمىنە تۇسكەن. دارىگەرلەر جابىرلەنۋشىنىڭ جاعدايىن بىردەن اۋىر دەپ باعالادى. ونىڭ جاعدايى سوڭعى كۇندەرى ناشارلاپ كەتكەنىن ايتتى.
«ناۋقاس ءۇشىنشى دارەجەلى كۇيىكپەن ءتۇستى. ونىڭ بەتى, قولدارى, دەنەسى كۇيگەن. دەنەسىنىڭ 50 پايىزى زاقىمدانعان. جاعدايى ناشارلاعاننان كەيىن جاساندى تىنىس الۋ اپپاراتىنا قوسىلدى. 17 تامىزدا تۇستەن كەيىن ايەل قايتىس بولدى», دەدى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىندەگىلەر.
بۇعان دەيىن جابىرلەنۋشى كىسى ءولتىرۋ ارەكەتى بولعانى تۋرالى ارىز جازۋدان باس تارتقان.ەسكە سالايىق, 9 تامىزدا ەرلى-زايىپتى اراسىنداعى جانجال باستالعان. كۇيەۋى ماس كۇيىندە كولىگىمەن كەتۋگە تىرىسقاندا ايەلى ونى توقتاتپاق بولعان. جانجال بارىسىندا كۇيەۋى توڭازىتقىشتان سپيرت الىپ جۇبايىنا قۇيىپ, وت جاعىپ جىبەرگەن.
پوليتسەيلەر دەنساۋلىققا قاساقانا زيان كەلتىرۋ بابى بويىنشا سوتالدى تەرگەۋدى باستادى. ەرلى-زايىپتى كامەلەتكە تولماعان ءۇش بالا تاربيەلەپ وتىر. جەرگىلىكتى تۇرعىندار بۇل وتباسىنان بۇرىن جاعىمسىز مىنەز-ق ۇلىق بايقاماعانىن, بولعان جاعدايعا تاڭعالعاندارىن ايتتى.